Jeremias 31:19 - Maung A Balita Biblia

¹⁹ Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.’

Maung a Balita Biblia

¹⁹ Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.

Jeremias 31:19 Iomraidhean Croise

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Say Libro nen Job 13:26

Ambelat iray ipapakasalanan mod siak, pati saray ginagawak nen ogaw ak ni.

Say Libro nen Job 20:11

Malangwer tan mabiskeg nen saman so laman to, balet ag mabayag magmaliw a dabuk.

Saray Salmo 119:67

Kasakbayan na impanusam ed siak, maoges so kagagawak, balet natan oonuren koy salitam.

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 32:30

Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.

Ezekiel 21:12

Managlem kad ermen, sika a toon ompatey; sayan ispada et ikanan pampatey ed saray totoo tan diad amin da ray pangulo na Israel. Napatey ira a kaiba na saray arum a totook. Tapuk-tapuk moy pagew mo lapud ermen.

Ezekiel 21:17

Pantipaken ko met iray limak, et onkepa lay pasnuk ko. Siak a Katawan so nansalita.”

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Ezekiel 36:26

Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Lucas 15:30

Balet satan ya anak yo, dinarak to ray amin a kayaryan yo ed marorotak a bibii. Natan ta pinmawil, pinatey yoy pinataban bakan kilaw para sikato!’

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’

Saray Taga Roma 6:21

Antoy agunggona yo ed impanggagawa yod saray ibabaing yo la natan? Patey so pansumpalan na saraman a bengatla.

Deuteronomio 30:2

No sikayo tan saray kabyangay boleg yo et ompawil kayod Katawan tan masimsimoon yo lan onuren ira yan ganggan to ya iiter kod sikayo natad sayan agew,

2 Timoteo 2:25

maoyamon mametek ed saray onsumlang ed sikato, ta ag la pigan saraya et itdan iray Dios na pankanawnawan mampataulid kasalanan da tan naamtaan day katwaan.