Jeremias 31:15 - Maung A Balita Biblia

¹⁵ Say Katawan kuanto, “Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Maung a Balita Biblia

¹⁵ say Katawan kuanto, Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Jeremias 31:15 Iomraidhean Croise

Genesis 35:19

Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem.

Genesis 37:35

Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, “Anggan wala ak lad pasen a panaayaman da ray inaatey, panermenan ko ni so anak ko.” Kanyan ag to tinondaan ya inermenan si anak ton Jose.

Genesis 42:13

Inkuanda, “Labindua kamin amin a sanaagi; saksakey so ama mi a wala natan ed Canaan. Inatey lay sakey ya agi mi tan atilak ed ama mi so sankayogtanan.

Genesis 42:36

Inkuanen ama ra, “Labay yon naandin amin iray anak ko? Anggapo lay Jose; anggapo met lay Simeon; tan natan labay yo met ya alaey Benjamin. Siak so maniirap!”

Genesis 5:24

Nambilay a kaiba toy Dios, insan naandipat, ta inalay Dios.

Say Libro nen Job 7:21

Ag mo tan balut napirdonay kasalanan ko? Ag mo ta napaandi so kaogsan a gagawaen ko? Ag mabayag wala ak lad lobuk, et anggapo ak la no anapen mo ak.”

Saray Salmo 37:36

balet ag abayag linmabas ak, et anggapo met la; inanap ko, et ag ko la narumog.

Saray Salmo 77:2

Mampikasi ak ed Katawan, no nagugunigon ak; sanlabin itatagey ko ray limak diad pampipikasik, balet ag ak naliligliwa.

Isaias 10:29

Akabaliw la rad babaliwan tan mamapalabas iray labi ed Geba! Ataktakot iray totood baley na Rama, tan batik iray totood Gabaa a baley nen Ari Saul.

Isaias 22:4

Paolyan yo ak a mambukbukor ya akisan koy ampaipait iray totook ya inaatey. Ag yo ak liligliwaen.

Jeremias 10:20

Aderal-deral iray tulda mi; apolpoltut iray lobir ya impangitaker ed sikara. Tinaynan kami na saray anak mi; naandi la ran amin ed arap mi. Anggapoy atilak a mangipaalagey lamet ed saray tulda mi; anggapoy mangipeket na saray kurtina ra.”

Jeremias 40:1

Akisalitad siak so Katawan kayarin imbolus ak ed Rama nen Nebuzaradan a pangulo na saray sondalo. Niakar ak diman ya akagolunggolung; kaibak ya amin iray totoon taga Jerusalem tan Juda a niakar a priso ed Babilonia.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Ezekiel 2:10

Inlokas na samay lima imay babasaen, et anengneng ko a walay sulat ed nantopag. Nisulat diman iray akis na ermen, dageyem, tan sinagem.

Josue 18:25

Siudad da met iray onggendan: Gabaon, Rama, Beerot,

Saray Huis 4:5

Inmirung ed silong na sakey a kiew a palmira diad nampegleyan na Rama tan Betel diad nipokdul a dalin na Efraim, insan dinmadagod sikato ray totoo, ta ibaga tod sikaray nepeg a nagawa odino gawaen da.

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.