Jeremias 30:8 - Maung A Balita Biblia

⁸ Say Katawan a Makapanyarin-amin kuanto: “No nasabi tan ya agew, poteren koy pakon walad tenger da tan ekalen koy akagolunggolung ed sikara. Ag la rad satan aripenen na saray taga arum a bansa.

Maung a Balita Biblia

⁸ Say Katawan a Makapanyarin-amin kuanto: No nasabi tan ya agew, poteren koy pakon walad tenger da tan ekalen koy akagolunggolung ed sikara. Ag la rad satan aripenen na saray taga arum a bansa.

Jeremias 30:8 Iomraidhean Croise

Saray Salmo 107:14

Impaway to ra a nanlapud kawalaan dan bilonget tan ermen, tan pinopoltut to ray golunggolung da.

Isaias 10:27

No onsabiy tan ya agew ekalen ta kayod pakayari na Asiria, tan say pako ra et ag lad satan makabelbelat ed tenger yo.”

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 14:25

Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.

Isaias 14:3

Ekalen na Katawan so kairapan a liliknaen na saray totood Israel, tan say ambelat a kimey ya impasoot ed sikaran gawaen da.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Jeremias 2:20

Say Katawan a Dios kuanto, “Israel, nen saman impolisay moy pakaoley ko; ag mo nilabay ya onuren ak tan igalang ak. Diad toktok na balang atagey a pokdul, tan diad silong na balang mabonan kiew, angigalang kad singa marotak a bii.

Jeremias 25:14

Pambayaren ko ray taga Babilonia lapud saray ginagawa ra, et amayamay a bansa tan matalonggaring ya arari so mangaripen ed sikara.’”

Jeremias 27:2

a manggawa ak na pako, singeran ko na katat tan iyan kod beklew ko.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 28:10

Insan inala nen Ananias so pakon walad beklew ko tan pinopoter to.

Jeremias 28:13

ya onla ak a mangikuan ed kinen Ananias, “Inkuan na Katawan a nayarian mon poteren so pakon kiew, balet salatan to na pakon balatyang.

Jeremias 28:4

Ipawil ko met diay lakin anak nen Joakim a si Joakin ya ari na Juda. Kaiba ton ompawil iray amin a totood Juda a nibantak ed Babilonia. On, deralen koy pakayari na ari na Babilonia. Siak, say Katawan, so nansalita.”

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Ezekiel 34:27

Mambunga ray kakiewan, wala ray bungay kaalogan, tan manayam ed dilin dalin to ya arawid kaatapan so balang sakey a too. No paksoten koy akagolunggolung ed saray totook tan ibolus ko rad saray angaripen ed sikara, naamtaan dad satan a siak so Katawan.

Nahum 1:13

Panganggaen ko la natan so panooley ed sikayo na Asiria tan paksoten ko lay golunggolung a nisinger ed sikayo.”