Jeremias 30:3 - Maung A Balita Biblia

³ ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Maung a Balita Biblia

³ ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.

Jeremias 30:3 Iomraidhean Croise

Esdras 3:1

Nen asabiy kumapiton bulan, manaayam lad saray baley da iray Israelita. Insan nantitipon iran amin ed Jerusalem.

Esdras 3:12

Dakel ed saray mamatakken a papari, Levita, tan pangulo da ray boleg so akanengneng ed samay inmonan Timplo, et nanakis iray maksil legan ya ipapaletneg so pundasion na sayan Timplo. Balet naneeyag ed liket iray arum a wadman.

Esdras 3:8

Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Saray Salmo 126:4

Katawan, paaligwas mo kami pa lamet, a singa pamaparanum na oran ed saray nakatan a kolus.

Saray Salmo 53:6

Oy la komun ta nagamuran la na Israel so pananalo a manlalapud Sion! Ontan lay panliket na saray totood Israel no paaligwasen ira lamet na Katawan.

Jeremias 16:15

Ingen mansamba rad siak a mabilay a Dios ya angipaway ed saray totood Israel manlapud dalin ed baybay tan manlapud amin a bansan angikaykayatan kod sikara. Ipawil ko rad dilin bansa ra, say dalin ya inter kod saray lalaki ra. Siak, say Katawan, so nansalita.”

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Jeremias 27:11

Balet no onsuko so sakey a bansa ed ari na Babilonia tan panlingkuran to, abuloyan kod satan a manayam ed dilin dalin to, dalusan to, tan panayaman to. Siak, say Katawan, so nansalita.”

Jeremias 27:22

Naala rad Babilonia tan mansiansia rad man ya anggad agew a limengen ko ra. Alaen ko rad satan tan ipawil ko rad sayan pasen. Siak, say Katawan, so nansalita.”

Jeremias 29:10

“Say Katawan kuanto, ‘Kayari na pitomploy taon a panoley na Babilonia ed sikayo, ipanengneng koy panangarok ed sikato tan sumpalen koy sipan ko a papawilen ta kayod dalin yo.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Jeremias 30:4

Say Katawan kuantod saray totood Israel tan Juda,

Jeremias 31:16

Tondaan yo lay panaakis yo, tan ponasan yo ray lua yo. Ag nayarin ag natumangan iray amin a ginagawa yo para saray anak yo; ompawil iran manlapud dalin na kalaban.

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Jeremias 31:27

“Siak, say Katawan, kuanko ya onsabiy panaon a panoen ko na totoo tan ayayep so dalin na Israel tan Juda.

Jeremias 31:31

Say Katawan kuanto, “Onsabiy panaon a baloy pisipanan kod saray totood Israel tan saray totood Juda.

Jeremias 31:38

“Onsabi so panaon,” kuay Katawan, “a napasimbalon nipaalagey a siudad ko so intiron Jerusalem, manlapud tori na Hananel ya anggad Puirta na Sokung.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 32:44

Saliwen ira na saray totoo, tan napirmaan iray kasulatan na saliwan, natimbrian ira, tan natasian ira. Nagawa ya ed pasen a sakop na dalin na Benjamin, diad saray bario ed kaliber-liber na Jerusalem, diad saray baley na Juda, tan diad saray baley ed kapokdulan, diad saray alusadsar, tan diad abalaten na Juda. Papawilen kod dalin da iray totoo. Siak, say Katawan, so nansalita.”

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Jeremias 51:60

Insulat kod sakey a libro so amin a nagawan panagderal ed Babilonia, tan saray arum a bengatlan nipaakar ed Babilonia.

Ezekiel 20:42

Naamtaan yo a siak so Katawan no ipawil ta kayod Israel, say dalin ya insipan kon iter ed saray lalaki yo.

Ezekiel 34:13

Alaen ko rad saray arum a bansa, pantitiponen ko ra, insan ko ra ipawil ed dilin dalin da. Iwanwan ko rad kapalandeyan tan kakolusan na Israel, tan pankabkaben ko rad malambut a pastolan.

Ezekiel 36:24

Alaen ta kayo ed balang bansa tan ipawil ta kayo ed dilin dalin yo.

Ezekiel 47:14

Sinambaan kod saray lalaki yo ya iter kod sikara yan dalin; pampapara yoy pangapag yod sikayon dili.

Joel 3:1

Say Katawan kuanto, “Diad satan a panaon ipawil koy aligwas na Juda tan Jerusalem.

Sofonias 2:7

Say dalin yo panayaman na saray taga Juda ya akapaliis ed patey. Ipastol da rad may karniro ra tan manogip irad saray kaabungan ed Ascalon. Asikasoen ira na Katawan a Dios da tan paaligwasen to ra lamet.

Sofonias 3:20

Onsasabi lay panaon! Pasempeten ko ray totoo yon nikaykayat; pagmaliwen ta kayon bantug ed intiron mundo tan paaligwasen ta kayo lamet.” Say Katawan so nansalita.

Lucas 17:22

Insan inkuantod saray disipulo, “Onsabiy panaon a pampilalekan yon nanengneng so anggan sakey labat ed saray agew na Anak na Too, balet ag yo nanengneng.

Lucas 19:43

Ta onsabid sika ray agew a liktuben da ka ray kalaban mo tan saraan da ka, pian ag ka makapaway.

Lucas 21:6

“Nipaakar ed amin da ra yan nanenengneng yo natan: onsabi ray agew ya anggapoy anggan sakey a baton natilak ed pasen to, ta nageba ran amin.”

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.

Deuteronomio 30:5

pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.

Saray Hebreo 8:8

Balet nalmoan na Dios so kakulangan da ray totoo nen inkuanto, “Onsabi ray agew, kuay Katawan, a baloy pisipanan kod saray totood Israel tan say boleg nen Juda.