Jeremias 30:21 - Maung A Balita Biblia

^21-22 Manlapud dilin bansa ra iray manoley ed sikara, kadalaan da met lamlamang so prinsipi ra. No imbitaan kon onsingger, ondagod siak; ta siopay ondagon ag inimbitaan? Magmaliw iran totook tan siak so Dios da. Siak, say Katawan, so nansalita.”

Maung a Balita Biblia

^21-22 Manlapud dilin bansa ra iray manoley ed sikara, kadalaan da met lamlamang so prinsipi ra. No imbitaan kon onsingger, ondagod siak; ta siopay ondagon ag inimbitaan? Magmaliw iran totook tan siak so Dios da. Siak, say Katawan, so nansalita.

Jeremias 30:21 Iomraidhean Croise

Genesis 18:27

Nansalita lamet si Abraham, “Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew.

Genesis 18:30

Inkuanen Abraham, “Ag ka komun mamapasnuk, Katawan, ta mansalita ak lamet. No bilang ta talomplo ra, deralen mo ni?” Inmebat, “No walad may talomplo, ag ko deralen lapud sikara.”

Genesis 18:32

Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?” Inmebat, “No walay samplora, ag ko deralen lapud sikara.”

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

2 Samuel 7:13

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:

Nehemias 7:2

Insan ko impasen a manoley ed siudad na Jerusalem so duaran lalaki a di Hanani ya agik tan Hananias a pangulon opisyal na tirinsira. Anggapoy mipara ed kinen Hananias ed inkatoor to tan say inkatakot tod Dios.

Saray Salmo 65:4

Maliket iray pipilien mo, saray iyaakar mon manayam ed santuariom. Napenek kamid saray maung a bengatlan walad abung mo, saray bindisioy masanton Timplom.

Saray Salmo 89:29

Sakey a kabyangay boleg to so lawas manari; say panarian to ag manganggan singa say tawen.

Exodo 3:5

“Ag ka onaasingger dia,” inkuan na Dios, “ekal mo ray sandalyam, ta masanto so dalin a kawalaan mo.

Isaias 63:1

“Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg?” Sikato so Katawan, makapanyarin mangilaban, ya onsasabin mangibawag na pananalo to.

Jeremias 30:9

Manlingkur ira ingen ed siak, say Katawan a Dios da, tan diad kabyangay boleg nen David ya iter kon manarid sikara.

Jeremias 33:15

Diad satan a panaon mamili ak na sakey ya ari a kabyangay boleg nen David. Manoley ed intiron dalin onung na kaptekan tan katonungan.

Jeremias 49:19

Onsabi ak a singa isasabid malambut a pastolan na sakey a lion a nanlapud makdel a takel ed gilig na Ilog na Jordan, insan ko biglan pataynanen ed bansa ra iray Edomita. Insan manoley ed bansa so pangulon pilien ko. Siopay mipara ed siak? Siopay mampangayan onlaban ed siak? Siopan manoley so makasumpad siak?

Jeremias 50:44

“Onsabi ak a singa isasabid malambut a pastolan na sakey a lion a nanlapud makdel a takel na Ilog na Jordan insan ko biglan pataynanen ed siudad da iray taga Babilonia. Insan manoley ed bansa so pangulon pilien ko. Siopay mipara ed siak? Siopay onlaban ed siak? Siopan manoley so makasumpad siak?

Ezekiel 37:24

Say magmaliw ya ari ra et singa si aripen kon David. Mankakasakey iran walad silong na saksakey a manoley tan matoor dan onuren iray ganggan ko.

Oseas 1:11

Mankasakey iray totood Juda tan saray totood Israel. Mamili ra na saksakey a pangulo ra, et ombaleg tan onaligwas ira lamet ed dilin dalin da. On, matalonggaring so agew nen Jezreel!

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Saray Bilang 16:5

Insan inkuantod kinen Core tan saramay kagampi to, “Nabwas na kabwasan say Katawan ipanengneng tod sikatayo no siopa ray kayaryan to; abuloyan to so siopaman a kayaryan to, salanti say pinili to, ya onsingger ed sikato ed altar.

Mateo 2:2

Nantepet-tepet ira, “Iner so kawalaay nianak ya ari da ray Judio? Anengneng mi so bitewen ton linmetaw ed bokig, kanyan linma kami dian mangigalang ed sikato.”

Mateo 27:37

Insulat dad olowan to may impakasalanan dad sikato: “Sikato yay Jesus ya Ari da ray Judio.”

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

Lucas 24:26

Ag ta nakaukolan a panirapan na Cristo ira yan amin kasakbayan a nagamuran toy mapagalang a kipapasen to?”

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

Deuteronomio 17:15

Nepeg a say pilien a manari et say toon pinili na Katawan a Dios yo. Nakaukolan a sikatoy sakey ed saray totoo yo; ag yo pagmamaliwen ya ari yo so sangkaili.

Deuteronomio 18:18

Mangibaki ak ed sikara na sakey a propita a singa sika a manlapud saray totoo ra; salitaen kod sikatoy ibaga to tan ibaga tod saray totoo iray amin ya iganggan ko.

Deuteronomio 33:5

Say Katawan nagmaliw ya ari na saray totoo ton Israelita nen nantitipon iray tribu ra tan saray pangulo ra.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

1 Juan 2:2

Si Cristo et nibagat a pakapaandian na saray kasalanan tayo, tan aliwa lambengat a saray kasalanan tayo, no ag ingen pati saray kasalanan na sankamundoan.

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”