Jeremias 30:17 - Maung A Balita Biblia

¹⁷ Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, ‘Nibantak so Sion; anggapoy malabay ed sikato.’ Siak, say Katawan, so nansalita.”

Maung a Balita Biblia

¹⁷ Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, Nibantak so Sion; anggapoy malabay ed sikato. Siak, say Katawan, so nansalita.

Jeremias 30:17 Iomraidhean Croise

Say Libro nen Job 5:18

Beberberen na Dios iray sinusugat to; mamapasakit tan mamapaabig ed sika iray lima to.

Saray Salmo 103:3

Papaandien ton amin iray kasalanan ko tan papaabigen ton amin iray sakit ko.

Saray Salmo 107:20

Lapud ganggan to pinaabig to ra, tan inlaban to rad lobuk.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.

Saray Salmo 23:3

Papasimbaloen toy biskeg ko. Iwawanwan to ak ed saray maptek a dalan, onung na insipan to.

Exodo 15:26

Inkuanto, “No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.”

Isaias 11:12

Say Katawan mangyatagey na tanda a mangipanengneng ed saray bansa a titiponen to lamet iray nikaykayat a totood Israel tan Juda, tan papapawilen to ran manlapud apatiran sokung na mundo.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Isaias 33:24

Anggapoy too a manayam ed dalin tayo a manriklamod sakit; napirdona ya amin so kasalanan.

Isaias 54:6

Israel, singa ka malangwer ya asawan bii, a tinaynan na asawa to kanyan mapalaloy segsegang mo. Balet tinawag ka lamet na Katawan a kuanto,

Isaias 56:8

Say Katawan a Dios ya angisempet ed saray totoo ton Israel manlapud saray bansan nibantakan da et insipan to a pikasakeyen to nid sikara iray arum a totoo.

Isaias 57:18

“Anengneng koy ginagawa ra, balet paabigen ko ra. Iwanwan ko ra tan tulongan ko ra, ta ligliwaen ko ray maermen.

Isaias 57:19

Itdan ko ran amin na kareenan, amin da ray walad arawi tan saray walad asingger! Paabigen ko ray totook.

Isaias 58:8

“Diad satan say panangasik onwandag ed sikayo a singa ibutay na agew ed kabwasan tan onabig a tampol iray sugat yo. Wala ak lawas ed dikingan yo a mangilaban ed sikayo; say kiwawalak et iyagel to kayo ed anggan iner a pasen.

Isaias 60:15

“Ag ka la nikaindan tan nabosul, Sakey a siudad ya ataynan tan apaolyan. Pagmaliwen ta kan matalonggaring tan marakep, Sakey a pasen a kawalaay gayaga a mansiansia.

Jeremias 10:20

Aderal-deral iray tulda mi; apolpoltut iray lobir ya impangitaker ed sikara. Tinaynan kami na saray anak mi; naandi la ran amin ed arap mi. Anggapoy atilak a mangipaalagey lamet ed saray tulda mi; anggapoy mangipeket na saray kurtina ra.”

Jeremias 17:14

Katawan, tambal mo ak pa, et sigput ak ya onabig; iyagel mo ak, et sigput ak a nilaban. Sika so idadayew ko!

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Jeremias 30:13

Anggapoy mangasikasod sikayo, anggapoy nitambal ed saray sugat yo, anggapo lay ilalon onabig kayo.

Jeremias 33:24

“Naimanom so pangibabaga da ray totoo ya impolisay koy Israel tan say Juda, saray duaran pinilik a pamilya? Kanyan balbalawen da ray totook tan ag da la ra ipapasen a sakey a bansa.

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Ezekiel 34:16

“Anapen ko ray abalang, papawilen ko ray akaarawi, berberen ko ray asugat, tan tambalen ko ray mansasakit; balet deralen ko ray mataba tan mabiskeg, ta siak so pumapastol a manggagaway kaptekan.

Ezekiel 35:12

Diad satan, nakabatan mo a siak a Katawan et nadngel ko may mapaatagey mon impansalita a begtebegtew iray kapalandeyan na Israel tan nayarian mon gawaen so labalabay mo ed sikara.

Ezekiel 36:20

Diad inerman a niakaran da, impelag dad kagalangan so masanton ngaran ko, lapud imbabaga na saray totoo, ‘Totoo ra ya na Katawan, balet nakaukolan a taynan day dalin to.’

Oseas 11:3

Balet siak so nambangat ya onakar so Israel. Inaampupok ed taklay ko iray totook, balet ag da binirbir a siak so angasikasod sikara.

Oseas 6:1

Saray totoo kuanda, “Ompawil itayod Katawan! Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Puyan 22:2

tan onaagos ed pegley na dalan na siudad. Diad balang gilig na ilog, wala ray kiew na bilay. Mambubunga ran binulan, tan saray bolung da et tambal na sakit da ray bansa.