Jeremias 30:10 - Maung A Balita Biblia

¹⁰ “Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Maung a Balita Biblia

¹⁰ Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Jeremias 30:10 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Isaias 14:3

Ekalen na Katawan so kairapan a liliknaen na saray totood Israel, tan say ambelat a kimey ya impasoot ed sikaran gawaen da.

Isaias 35:9

Anggapo rad may niwalan lion; anggapoy ondalan diman a masebeg ya ayep. Diad ipawil na saray totoon inyagel na Katawan ondalan irad saman a dalan.

Isaias 43:5

Ag ka natatakot—wala ak ed sika! “Manlapud bokig tan sagur pasempeten ko ray totoom.

Isaias 44:1

Say Katawan kuanto, “Dengel ka natan, Israel, ya aripen ko, saray totoon pinilik, saray kabyangay boleg nen Jacob.

Isaias 44:2

Siak so Katawan ya amalsad sika; nanlapud inkianak mo, tinutulongan ta ka. Ag ka natatakot; sika so aripen ko, say toon pinilik tan inarok.

Isaias 46:11

Tatawagen kon ondago so toon manlapud bokig; onsibar a singa sakey ya agila tan gawaen to so implanok. Nansalita ak, et tuan nagawa so sinalitak.

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Isaias 49:12

Manlapud arawin dalin iray totook, manlapu rad baybay tan diad sagur, tan manlapu rad Aswan diad abalaten.”

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Isaias 54:4

Ag ka natatakot—ag ka la napelag ed kababaingan; ag ka la napaabeba. Nalingwanan moy kalamangan mo nen malangwer ka nin asawan bii, tan say ontan lan kaermenan mon sakey a balo.

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Jeremias 23:4

Manoro ak na saray manoley a manasikasod sikara. Ag la rad satan ontakot odino nataktakot, tan anggapod sikaray nabalang. Siak, say Katawan, so nansalita.”

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Jeremias 23:8

Ingen mansamba ra a kuanda, ‘Nitay mabilay a Dios ya angipaway na saray totood Israel ed baybay a bansa tan angipaway met ed sikara ed saray amin a bansa ya angikayatan tod sikara.’ Insan irad satan manayam ed dilin dalin da.”

Jeremias 29:11

Siak labat so makaamta na saray planok ed sikayo. Sarayan plano et makaiter ed sikayo na aligwas, aliwan deral; saray planon mamatwa ed iilaloan yon nagawa ed arapen a panaon.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

Ezekiel 16:52

Natan nepeg mon itepel so inkaplag mod kababaingan a bunga na kaogsan mo. Lapud mapalalo ray kasalanan mo nen saray agagim, ompapaway a singa anggapoy kasalanan da ra yan agagim a kaampar mo. Natan baing ka tan itepel moy kababaingan mo, lapud ipaparontal mon singa anggapoy kasalanan da ray agagim.”

Ezekiel 38:11

Getmaen moy onloob ed sakey a bansan ag to niagel so sikaton dili, a mambibilay iray totoo ed kareenan tan arawi rad kaatapan diad saray baley ya anggapoy padir tan makapangyagel.

Daniel 12:1

Samay anghil a linen so kawes to inkuanto, “Diad satan a panaon ompanengneng imay matalonggaring ya anghil Miguel a mangguaguardiad saray totoom. Insan la ondalan so panaon na ontan lan kairapan ya ag nin balut dinmalan nanlapu lad inletneg da ray bansa. No onsabiy tan a panaon, nilaban ya amin iray totoo na bansa a nisulat so kangaranan dad libro na Dios.

Oseas 2:18

Diad satan a panaon misipanan ak ed amin da ray ayayep ed katakelan tan saray manok, pian ag da la pasakitan iray totook. Ekalen ko met ed dalin iray amin ya armas ed bakal, amin da ray ispada tan saray pana, tan panayamen kon mareen tan arawid kaatapan iray totook.

Oseas 2:20

Tooren koy sipan ko tan kayaryanen ta ka, tan birbiren mo ak a Katawan.

Oseas 6:11

“Sikayon totood Juda, inggetar ko lay panaon a panusak met ed sikayo lapud kaogsan a gagawaen yo.

Joel 2:21

“Kaalogan, ag kayo natatakot; ingen, manliket tan manggayaga kayo, lapud saray amin a ginagawa na Katawan ed sikayo.

Mikias 4:9

Akin et makmaksil so pantatawag yo? Akin et maniirap kayon singa biin mampapasakit? Lapu kasid anggapoy ari yo, tan inaatey la ray sumisimbawa yo?

Zacarias 3:10

No onsabiy tan ya agew, balang sakey ed sikayo imbitaan to ray kakaaro to ya ondago tan manliket a walay kareenan tan arawid kaatapan diad pasen ya apaliberan na saray kaubasan tan saray kakiewan yon igos.”

Juan 12:15

“Ag ka natatakot, siudad na Sion! Nengneng mo, onsasabi lay arim, akakabayod kilaw ya asno!”