Jeremias 3:3 - Maung A Balita Biblia

³ Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Maung a Balita Biblia

³ Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Jeremias 3:3 Iomraidhean Croise

Genesis 19:34

Nen ontombuk ya agew inkuanto may pangulowan, “Inakdulan ko kalabyan si ama ta; bueken ta lamet ed sayan labi, tan gawam so singa ginawak. Nawalaan tad satay sansakey ya anak.”

Nehemias 9:17

Ag ira tinmoluk; alingwanan da ray amin a ginagawam; alingwanan da ray milagron ginagawam. Lapud panagpasirayew da amili ray sakey a pangulo a mamapawil ed sikara ed inkaaripen da ed Egipto. Balet manamirdona ka a Dios; mapangasi tan maaro ka, tan aliwa kan maipapasnuk. Alay kabaleg na ag mangoman a panangarom; ag mo ra inkaindan.

Probirbio 21:29

Saray totoon matonung amta ran dugay gagawaen da, balet saray totoon maoges gagawaen day anggaay nayarian dan mankonkonwanan.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Jeremias 14:1

Say Katawan kuantod siak nipaakar ed abaybayag a tiagew,

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Jeremias 14:3

Saray mayaman a totoo ibabaki da ray aripen da, ta mangala ray danum; oonla rad saray bobun, balet ag ira makakalmoy danum; ompapawil ira ya anggapoy karga iray pananginan da. Sasakbungan da ray olo ra, lapud kababaingan tan ag da amtay gawaen da.

Jeremias 14:4

Nanaekalan na biskeg na linawa iray dumaralus, lapud anggapoy oran tan amaga-magay dalin; iyaamut day kalupaan da.

Jeremias 36:2

“Mangala kay sakey a nilokut a papil ta isulat mon amin iray imbagak ed sika, nipaakar ed Israel tan Juda, tan amin a bansa. Isulat mon amin iray imbagak ed sika manlapu lad samay inmonan impisalitak ed sika, nen ari ni si Josias, ya anggad natan.

Jeremias 5:24

Ag yon balut ninunot a pagalangan ak, anggaman a siak so mangiiter na oran ed tiagew tan say oran ed nepnep tan siak so mangiiter a tinaon na panaon na panagani.

Jeremias 5:25

Balet lapud saray kasalanan yo, abalang yo ra yan maabig a bengatla.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Ezekiel 3:7

Balet anggapod saray totood Israel so ondengel ed sika; ag da ak anggan dengelen. Anawet so olo tan puso ran amin.

Levitico 26:19

Patondaen koy ontan lan inkamapaatagey yo; anggapoy ompelag ya oran, et onmaga so dalin yo tan onawet a singa balatyang.

Amos 4:7

Ag ko pinaoran nen nakaukolan lan mapalalo na saray tanaman yo so danum. Angipelag ak na oran ed sakey a siudad, balet ag ko pinaoran ed arum a siudad. Inmoran ed sakey ya alog, balet andi ed arum.

Amos 4:8

Saray totood arum a siudad linma ran mananap na danum ed sakey a siudad, balet anggapoy nalmo ran magenap a danum ya inomen. Et siansia nin ag kayo pinmawil ed siak.

Sofonias 2:1

Sikayon totood andi-baing a bansa, mankakasakey tan mantitipon kayo,

Sofonias 3:5

Balet wala nin siansiad siudad so Katawan; say kamaungan so gagawaen to lawas ya aliwan say kaogsan. Kapag kabwasan ya ag balut nasaew, gagawaen toy katonungan ed saray totoo to. Balet itutuloy na saray totoon maoges so panggagawa ray kaogsan tan ag ira ambaing.

Aggeo 1:11

Anggapoy pateterteren kon oran ed dalin—diad kapokdulan, diad kaalogan, diad kaubasan, tan diad kaolibaan—diad amin a tanaman ed dalin, diad saray totoo tan saray ayayep, tan diad amin a bengatlan labay yon pabalegen.”

Deuteronomio 28:23

Anggapoy ompelag ya oran kanyan onawet a singa balatyang so dalin yo.

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!