Jeremias 3:25 - Maung A Balita Biblia

²⁵ Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Maung a Balita Biblia

²⁵ Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.

Jeremias 3:25 Iomraidhean Croise

Saray Salmo 106:6

Nankakasalanan kami, a singa ginawa da ray lalaki mi; nanggagawa kamiy kaogsan tan kabaglan.

Saray Salmo 106:7

Ag atalusan na saray lalaki mid Egipto iray makapakelkelaw a gawgaway Dios; alingwanan da ray amimpiga-pigan impanengneng na Dios a panangaro tod sikara, tan sinumlang da so Makapanyarin-amin diad Dayat ya Ambalanga.

Saray Salmo 109:29

Nakobutan komun na kababaingan iray kalaban ko, isolung da komun a singa kawes so kababaingan da.

Probirbio 13:18

Magmaliw a mairap-bilay tan napelag ed kababaingan so toon ag onderengel ed bilin. Napapagalangan so toon ontotoluk ed panametek.

Probirbio 5:13

Ag ak dinmengel ed saray bumabangat ko. Ag ko ra inasikaso.

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Isaias 50:11

Sikayon mankokomplut a maneral ed saray arum et naderal kayo ed saray dilin komplut yo. Say dilin Katawan so mangyabuloy ya onyay nagawa; makapasinagem so pansumpalan yon kairapan.

Jeremias 11:13

Say karakel na diriyos na saray totood Juda et singa karakel na saray siudad da; tan saray karakel na saray ginagawan altar a panangisaklangan na makapaingungot iran bagat ed kinen Baal na saray taga Jerusalem et singa karakel na saray dalan ed siudad.

Jeremias 12:13

Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.”

Jeremias 14:20

Katawan, nankasalanan kamid sika; ipatwa mi ray kasalanan mi tan saray kasalanan da ray lalaki mi.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Jeremias 2:2

ipulong kod balang sakey a too ed Jerusalem yan salita to: “Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Jeremias 2:26

Say Katawan kuanto, “No panoy pakapelag ed kababaingan na matakew no narel, ontan met so pakapelag yod kababaingan, sikayon totood Israel—saray arari tan opisyal yo, saray papari tan propita yo.

Jeremias 20:18

Akin et nianak ak? Pian kasi manirap ak labat tan manermen ak labat tan mansamput ed kapelag ed kababaingan so bilay ko?

Jeremias 22:21

Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 31:19

Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.’

Jeremias 6:26

Say Katawan kuanto ed saray totoo to, “Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Jeremias 7:19

Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Jeremias 8:14

“Akin et wadya itayon manyodyorung ya ag onggalaw?” tepet na saray totooy Dios. “Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Jeremias 9:18

Saray totoo inkuanda, “Pangganat yo ra, ta kantaan da kami na kantan para tolur, anggad onterter iray lua mi, tan nabasa-basa ray goyamgoyam mi lapud kakaakis.”

Saray Tagleey 5:16

Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Ezekiel 2:3

“Sika a toon ompatey, ibaki ta ka ed saray totood Israel. Linmaban irad siak tan sinumpa ra ak tan itutuloy day onlaban ed siak, a singa ginawa na saray lalaki ra.

Ezekiel 36:32

Israel, labay kon ipaamtad sika ya aliwan sikay makasengeg na panggagawaan kod saya. Labay kon nabaingan tan napaabeba ka lapud saray gagawaen mo. Siak a Katawan a Dios so nansalita.”

Ezekiel 44:13

Ag ira nepeg a manlingkur ed siak a papari, odino onsingger irad bengatlan masanto ed siak, odino onloob ed Sankasantosan a pasen. Sikato yay dusa ra lapud saray makapaingungot a ginagawa ra.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

Oseas 9:10

Say Katawan kuanto, “Nen inmonan nalmok so Israel, singa ak akalmoy sengeg na ubas ya ontutubod kalawakan. Nen inmonan anengneng ko ray lalaki yo, singa ak akanengneng na inmona ran aluton bungay igos diad panaon to. Balet nen akakar irad Palandey na Peor, ginapwan day angigalang ed Baal tan ag abayag nagmaliw iran makapaingungot a singa saray diriyos ya inararo ra.

Sofonias 1:17

Say Katawan kuanto, “Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.”

Saray Taga Roma 6:21

Antoy agunggona yo ed impanggagawa yod saray ibabaing yo la natan? Patey so pansumpalan na saraman a bengatla.

Saray Huis 2:2

Ag kayon balut misisipanan ed saray totoon manaayam ed sayan dalin. Nepeg yon igeba iray altar da.’ Balet ag yo sinumpal so imbagak ed sikayo. Sinumlang yo laingen!