Jeremias 3:22 - Maung A Balita Biblia

²² Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Maung a Balita Biblia

²² Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, On, onsisingger kamid Katawan, ta sikatoy Katawan a Dios mi.

Jeremias 3:22 Iomraidhean Croise

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

Isaias 27:8

Dinusa na Katawan iray totoo to diad panamegley na impangibantak tod sikara ed arum a bansa. Impaibantak to ra ed mabiskeg tan maruksan dagem a nanlapud bokig.

Isaias 31:6

Inkuan na Dios, “Totood Israel, nankasalanan tan linmaban kayod siak. Balet pawil kayo la natan ed siak!

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Jeremias 3:12

Imbaga to nid siak ya onla ak a mangikuan ed Israel, “Aliwan matoor ya Israel, pawil kad siak. Lapud mapangasi ak, ag ta ka la pampasnukan; aliwan ando lan ando so petang na olok ed sika.

Jeremias 30:17

Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, ‘Nibantak so Sion; anggapoy malabay ed sikato.’ Siak, say Katawan, so nansalita.”

Jeremias 31:18

“Narerengel kon maermen ya ibabaga na saray Israelita, ‘Katawan, nen saman singa kami maatap a bakan kalakyan, balet binabangatan mo kamin ontoluk. Papawil mo kami pa; sipaparaan kamin ompawil ed sika, Katawan a Dios mi.

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Jeremias 4:1

Say Katawan kuanto, “Totood Israel, no labay yoy mampatauli, pawil kayod siak. No ekalen yo ray talintaon kabosul ko, tan magmaliw kayon matoor ed siak.

Ezekiel 18:30

“Siak, a Katawan a Dios, ibabagak ed sikayo ya Israelita a sintinsiaan koy balang sakey ed sikayo onung na ginawa to. Magbabawi kayo lad saray maoges a gagawaen yo tan ag yo aabuloyan a deralen kayo na kasalanan yo.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Oseas 13:4

Say Katawan kuanto, “Siak so Katawan a Dios ya angipaway ed sikayo ed Egipto. Anggapo lay arum a Dios yo no ag siak labat. Bukbukor ko so manangilaban.

Oseas 14:1

Sikayo ran totood Israel, pawil kayo la ed Katawan a Dios yo. Imparokul tan impelag kayo na kasalanan yo.

Oseas 14:4

Say Katawan kuanto, “Papawilen kod siak iray totook. Aroen ko ra ed intiron pusok; nakal lay pasnuk kod sikara.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Joel 2:12

“Balet anggan natan,” kuay Katawan! “masimoon kayon magbabawi tan pawil kayod siak a manaayuno, mannangnangis, tan maneermen kayo.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”