Jeremias 29:18 - Maung A Balita Biblia

¹⁸ Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Maung a Balita Biblia

¹⁸ Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 29:18 Iomraidhean Croise

2 Saray Awaran 29:8

Lapud saya akapasnuk so Katawan ed Juda tan Jerusalem, et nikelawan tan ataktakot so balang sakey lapud ginawa tod sikara. Malinlinew so pakaamta yod sayan inkagawa.

Saray Salmo 44:11

Inabuloyan mon pinatas da kamin singa karniro; imbuybuyak mo kamid saray arum a bansa.

Isaias 65:15

Ikana na saray pinilik a totoo so ngaran yo a sakey a samba. Siak a Katawan a Dios pateyen ta tayo. Balet itdan ko na balon ngaran iray mangoonur ed siak.

Jeremias 15:4

Pagmaliwen kon pakataktakotan ira na saray amin a katoowan ed intiron mundo, lapud samay ginagawad Jerusalem nen Manases a lakin anak nen Ezekias sanen sikatoy ari na Juda.”

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Jeremias 19:8

Iyakar kod sayan siudad so onyan makapasinagem a deral pian balang sakey ya ondalan et natalagnaw tan nikelawan.

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 27:8

“Balet no walay bansa odino nanarian ya ag onsilong ed pakaoley nen Nabucodonosor tan ag ontoluk ed pakaoley to, dusaen ko itan a bansa diad panamegley na bakal, eras, tan salot, anggad sigput a napaderal kod sikato.

Jeremias 29:17

Ibabagay Katawan a Makapanyarin-amin, ‘Mangipadalan ak ed sikara na bakal, eras, tan salot, tan pagmaliwen ko ran singa saray bungay igos a diad mapalalon inkaboluk da, ag ira nayarin kanen.

Jeremias 29:22

No saray totoon niakar a priso ed Babilonia manlapud Jerusalem et labay dan isamba so sakey a too, ikuanda, ‘Gawaen na Katawan komun ed sika so singa ginawa tod kindi Sedekias tan Acab, a say ari na Babilonia et inkakalut to ran mabilay.’

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 42:18

“Say Katawan a Dios na Israel kuanto, ‘No panoy impamasnuk kod saray totood Jerusalem, ontan met so pamasnuk kod sikayo, no onla kayod Egipto. Magmaliw kayon makapagiwgiw a nengnengen; ludlureyen kayo na saray totoo tan ikana ray ngaran yo a sakey a samba. Ag yo lan balut nanengneng yan pasen.’”

Jeremias 44:12

Andi-saew a deralen kon amin iray akeraan a totood Juda tan talagan labay day manayam ed Egipto. Amin da, abeba may atagey so kipapasen, ompatey irad bakal odino eras diad Egipto. Magmaliw iran makapagiwgiw a nengnengen; ludlureyen ira na saray totoo tan ikana ray ngaran da a sakey a samba.

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Ezekiel 12:15

“No itaytayak ko rad saray arum a bansa, nakabatan da a siak so Katawan.

Ezekiel 22:15

Ikayat kod nandoroman bansa iray totoom tan patondaen ko ray maoges a gawgawam.

Ezekiel 23:46

Sikato yay ibabaga na Katawan a Dios: “Mangyakar kayo na sakey ya olup na saray totoon maoges a manaktakot tan manamsam na kayamanan na sarayan bibii.

Ezekiel 36:19

Sinintinsiaan ko ray dusa lapud maoges so impanbilay da tan saray ginagawa ra, kanyan inkaykayat ko rad nandoroman bansa.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Ezekiel 6:8

“Abuloyan kon ag napatey iray arum a totoo tan nataytayak irad saray bansa,

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Amos 9:9

“Mangganggan ak, et nayegyeg iray totood Israel a singa kayakayak na belas ed yakayakan. Yakayaken ko rad saray bansa, ta ekalen ko ray amin ya andi-kakanaan.

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, ‘Ondapo met komun ed sika so deral a singa samay deral a dinmapo ed Juda tan Israel!’ Balet ilaban ta kayo, insan saraman a sangkaili ikuandad sakey tan sakey, ‘Nagamuran mo met komun so bindision a singa samay bindision ya agamuran na Juda tan Israel!’ Kanyan pabiskeg yoy linawa yo, ag kayo ontatakot.”

Saray Bilang 5:27

No akikaloguran imay bii, pairapen na samay danum; onlarag so eges to tan onkebet so kayaryan to. Magmaliw a panalwaran ed saray kadalaan to so ngaran to.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 28:37

Diad saray bansan pangitayakan ed sikayo na Katawan, saray totood man et nikelawan ira ed agawad sikayo; ludlureyen tan balbalawen da kayo.

Deuteronomio 28:64

“Say Katawan itaytayak to kayod saray amin a bansa, manlapud sakey a samput na dalin ya anggad sananey a samput, et diman kayo manlingkur ed saray diriyos a kiew tan bato, saray diriyos a sikayo tan saray lalaki yo et ag yo ran balut ginalang nen saman.