Jeremias 29:14 - Maung A Balita Biblia

¹⁴ On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Maung a Balita Biblia

¹⁴ On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.

Jeremias 29:14 Iomraidhean Croise

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Saray Salmo 126:1

Nen say Katawan et impawil to kamid Jerusalem, singa labat sakey a kogip!

Saray Salmo 126:4

Katawan, paaligwas mo kami pa lamet, a singa pamaparanum na oran ed saray nakatan a kolus.

Saray Salmo 32:6

Kanyan amin a matoor a totoom et nepeg day mampikasid sika no panaoy pankaukolan; no onsabiy baleg a delap na gunigon, ag nasabiy kawalaan da.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 43:5

Ag ka natatakot—wala ak ed sika! “Manlapud bokig tan sagur pasempeten ko ray totoom.

Isaias 43:6

Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Isaias 45:19

Ag ak nansalita ed maamut odino inamut koy getmak. Ag ko imbagad saray totood Israel ya anapen da ak ed maamut a pasen. Siak so Katawan, sasalitaen koy katwaan; Ipapaamtak no antoy maptek.”

Isaias 55:6

Pawil kayod Katawan tan mampikasi kayod sikato, natan ta asingger ni.

Jeremias 12:15

Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 31:16

Tondaan yo lay panaakis yo, tan ponasan yo ray lua yo. Ag nayarin ag natumangan iray amin a ginagawa yo para saray anak yo; ompawil iran manlapud dalin na kalaban.

Jeremias 31:17

Maung so ilalo yod arapen a panaon; ompawil ed dilin bansa ra iray anak yo. Siak, say Katawan, so nansalita.

Jeremias 31:23

Say Katawan a Makapanyarin-amin a Dios na Israel kuanto, “No papawilen kod dalin da iray totook, ibaga da lamet ed dalin na Juda tan saray baley to, ‘Bindisionan komun na Katawan so masanton palandey na Jerusalem, say masanton pasen a panaayaman to.’

Jeremias 51:10

Say Katawan kuanto, “Iyeeyag na saray totook, ‘Impanengneng na Katawan a wala itayod katonungan. Onla tayon mangibagad saray totoo ed Jerusalem na ginawa na Katawan a Dios tayo.’”

Jeremias 8:3

Saray makapaliis ed patey a totood sayan maoges a bansa a manaayam irad saray lugar ya angikaykayatan kod sikara et lablabayen da niy ompatey nen say mambilay. Siak, say Katawan a Makapanyarin-amin so nansalita.”

Ezekiel 37:21

Ibagam ed sikara a siak a Katawan a Dios et alaen kon ipaway ed nandoroman bansa a nikaykayatan na amin a totook, pantitiponen ko ra, insan ko ra iyakar ed dilin dalin da.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Mikias 4:12

Balet ag amta na sarayan bansa so kanunotan na Katawan. Ag da natatalusan a nantitipon iran nadusa a singa kiakar na saray pinalut ed panagilikan.

Sofonias 3:20

Onsasabi lay panaon! Pasempeten ko ray totoo yon nikaykayat; pagmaliwen ta kayon bantug ed intiron mundo tan paaligwasen ta kayo lamet.” Say Katawan so nansalita.

Saray Taga Roma 10:20

Lalon makpel si Isaias ta inkuanto, “Arumog da ak iray ag manaanap ed siak. Pinmanengneng ak ed saray ag manetepet no iner so kawalaan ko.”

Deuteronomio 30:1

“Initdan ta kayo natan na pankanawnawan mampili ed bindision tan samba. No agawa la ra yan amin ed sikayo, tan manaayam kayo lad arum a bansa ya angikayatan ed sikayo na Katawan a Dios yo, nanunotan yo yan inter kod sikayon pampilian yo.

Deuteronomio 30:3

say Katawan a Dios yod satan et kasian to kayo. Papawilen to kayod dalin yo manlapud saray bansan angikayatan tod sikayo, tan paaligwasen to kayo lamet.

Deuteronomio 30:5

pian nakayaryan yo lamet so dalin a nanayaman na saray lalaki yo. Lalon paaligwasen to kayo tan lalon parakelen to kayo nen saray lalaki yo nen saman.

Deuteronomio 4:7

“Anggapoy arum a bansa, anggan anto lay pakapanyari to, ya asingsingger ed sikato so dios to no nakaukolan to, a singa kinaasingger ed sikato na Katawan a Dios tayo. Eebatan to itayo kapag onkerew tayoy tulong to.