Jeremias 29:10 - Maung A Balita Biblia

¹⁰ “Say Katawan kuanto, ‘Kayari na pitomploy taon a panoley na Babilonia ed sikayo, ipanengneng koy panangarok ed sikato tan sumpalen koy sipan ko a papawilen ta kayod dalin yo.

Maung a Balita Biblia

¹⁰ Say Katawan kuanto, Kayari na pitomploy taon a panoley na Babilonia ed sikayo, ipanengneng koy panangarok ed sikato tan sumpalen koy sipan ko a papawilen ta kayod dalin yo.

Jeremias 29:10 Iomraidhean Croise

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

2 Saray Awaran 36:22

Nen ononan taon na panooley ed Babilonia nen Impirador Ciro na Persia, imbaga na Katawan ed sikato a mangipaakseb na sakey a ganggan, paisulat to, insan to paibasay maksil ed inerman a pasen ed impirio. Agawa ya pian napatwa so imbaga na Katawan diad panamegley nen propita Jeremias.

Esdras 1:1

Diad ononan taon na panooley nen Impirador Ciro ed Persia say Katawan pinatwa toy imbaga to diad panamegley nen propita Jeremias. Tinanggoyur toy Ciro ya ipaakseb toy onggendan a ganggan, paisulat to insan to paibandod inerman a pasen ed nanarian to:

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Saray Salmo 102:14

Saray aripen mo aaroen da so Sion, anggan aderal la; kakasian da, anggan abagbag la.

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 27:22

Naala rad Babilonia tan mansiansia rad man ya anggad agew a limengen ko ra. Alaen ko rad satan tan ipawil ko rad sayan pasen. Siak, say Katawan, so nansalita.”

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 29:28

Nepeg a napatonda, ta imbaga tod saray Israelitan walad Babilonia a mabaybayag iran naprisod man, kanyan nepeg day mangipaalagey na kaabungan da, manayam irad man, mantanaman ira, tan pambilay day bungay tanaman da.’”

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 33:14

Inkuan na Katawan, “Onsabiy panaon a sumpalen koy sipan kod saray totood Israel tan Juda.

Ezekiel 11:17

“Kanyan ibagam ed sikara so ibabagak, siak a Katawan a Dios. Tiponen ko ra manlapud saray bansan angitayakan kod sikara, tan ipawil kod sikaray dalin na Israel.

Daniel 9:2

Nen ononan taon na panooley to siak, si Daniel, inaral ko ray masanton libro tan ninunot koy nipaakar ed pitomploy taon a kaderal na Jerusalem, onung ed imbaga na Katawan ed kinen propita Jeremias.

Sofonias 2:7

Say dalin yo panayaman na saray taga Juda ya akapaliis ed patey. Ipastol da rad may karniro ra tan manogip irad saray kaabungan ed Ascalon. Asikasoen ira na Katawan a Dios da tan paaligwasen to ra lamet.

Zacarias 1:12

Insan samay anghil kuanto, “Katawan a Makapanyarin-amin, pitomploy taon lan mamapasnuk kad Jerusalem tan saray siudad na Juda. Kapigan kasiy pansamput na ag mo pangasi ed sikara?”

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Ruth 1:6

Ag abayag, nadngelan nen Noemi a binindisionan na Katawan iray totoo ton Israelita, ta initdan to ray amayamay a napambilay. Kanyan namparaan a taynan toy Moab, a kaiba to ray manugang to.