Jeremias 28:6 - Maung A Balita Biblia

⁶ Inkuanko, “Amen! Ilaloan kon gawaen na Katawan so ontan. Ilaloan kon sumpalen na Katawan ira tan ya amin a salitam. Ipawil to komun manlapud Babilonia iray amin a kayamanan ed Timplo tan saray amin a totoon adakep ed arawin lugar.

Maung a Balita Biblia

⁶ Inkuanko, Amen! Ilaloan kon gawaen na Katawan so ontan. Ilaloan kon sumpalen na Katawan ira tan ya amin a salitam. Ipawil to komun manlapud Babilonia iray amin a kayamanan ed Timplo tan saray amin a totoon adakep ed arawin lugar.

Jeremias 28:6 Iomraidhean Croise

1 Saray Arari 1:36

“Nasumpal so labay mo,” ebat nen Benaya “Abuloyan ya komun na Katawan a Dios mo.

1 Saray Awaran 16:36

Idayew yoy Katawan a Dios na Israel! Idayew yo natan tan anggad angga! Insan inkuan na amin a totoo, “Amen,” tan indayew day Katawan.

Saray Salmo 106:48

Idayew yoy Katawan, say Dios na Israel; idayew yo natan tan anggad angga! Ikuan komun na amin a katoowan, “Amen!” Idayew yoy Katawan!

Saray Salmo 41:13

Idayew yoy Katawan a Dios na Israel! Idayew yo ya anggad angga! Amen! Amen!

Saray Salmo 72:19

Idayew yon anggad angga so mapagalang a ngaran to! Panoen komun na kagalangan to so intiron mundo! Amen! Amen!

Saray Salmo 89:52

Andi-anggaan ya idayew to Katawan! Amen! Amen!

Jeremias 11:5

Diad ontan sumpalen koy insipan kod saray lalaki ra, ya iter kod sikara so mayaman tan mataban dalin a kayaryan da la natan.” Inkuanko, “Ontan pa komun, Katawan.”

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

Jeremias 28:3

Diad loob na duay taon ipawil kod sayan pasen iray amin a kayamanan ed Timplo ya inaala ra nen Ari Nabucodonosor tan inaawit to rad Babilonia.

Zacarias 6:10

Inkuanto, “Alam iray rigalon inter na saray totoon nibantak ed arum a bansa a di Heldai, Tobias, tan Jedaya, tan lakan tampol ed abung nen Josias a lakin anak nen Sofonias. Amin da ra yan lalaki et pinmawil iran nanlapud Babilonia ya inkibantakan da.

Saray Bilang 5:22

Onloob komun ed eges mo yan danum, palaragen to, tan pakebeten toy kayaryan mo.” Samay bii onebat, “Onabubon ak; ontan pa komun so gawaen na Katawan.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

1 CORINTO 14:16

No misalamat kad Dios diad panamegley na ispiritu labat, panoy pangikuay “Amen” na sakey a toon wadman ya anggapod sikatoy ontan a langkap, bangta ag to natalusay ibagam?

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Puyan 19:4

Saramay duamplo tan apat a mamatakken tan saramay apatiran pinalsa a mabilay et dinmakmomo ra tan angigalang irad Dios ya akayorung ed trono, tan inkuanda, “Amen! Igalang yoy Dios!”

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.

Puyan 5:14

Inmebat ira may apatiran mabilay a pinalsa, “Amen!” Insan dinmakmomo tan angigalang ira may mamatakken.