Jeremias 28:13 - Maung A Balita Biblia

¹³ ya onla ak a mangikuan ed kinen Ananias, “Inkuan na Katawan a nayarian mon poteren so pakon kiew, balet salatan to na pakon balatyang.

Maung a Balita Biblia

¹³ ya onla ak a mangikuan ed kinen Ananias, Inkuan na Katawan a nayarian mon poteren so pakon kiew, balet salatan to na pakon balatyang.

Jeremias 28:13 Iomraidhean Croise

2 Saray Awaran 10:11

Ambelat so impapasakbat ed sikayo nen amak; ambelat niy ipasakbat kod sikayo. Nilatiko kayo nen amak, pekpeken ta kayoy balatyang!’”

Saray Salmo 107:16

Gegebaen to ray gansan puirta, tan popoteren to ray balatyang a balewet.

Saray Salmo 149:8

pian nabalor day golonggolong iray arari, tan saray pangulo ra na balatyang a golonggolong;

Isaias 45:2

“Siak a diliy mangiparaan na dalan mo, pataren ko ray kapalandeyan tan saray kapokdulan. Igebak iray gansan puirta tan poteren ko ray balewet a balatyang.

Jeremias 27:15

Say dilin Katawan so angibaga ya ag to ra imbaki tan diad ngaran to titilaan da kayo. Kanyan sirin, pataynanen to kayo tan napatey kayo, sikayo tan saray propitan mantitilad sikayo.”

Jeremias 27:2

a manggawa ak na pako, singeran ko na katat tan iyan kod beklew ko.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Deuteronomio 28:48

Kanyan sirin panlingkuran yo ray kalaban yo a say Katawan et ibaki to ran mibakal ed sikayo. Naerasan, naapgaan kayo, tan naandian kayoy ikawes—amin a nakaukolan yo. Pairapen kayon mapalalo na Katawan ya anggad ompatey kayo.