Jeremias 27:9 - Maung A Balita Biblia

⁹ Ag yo dedengelen iray propita yo, odino siopaman a mangibabagan nayarian ton ipasakbay so nagawa ed arapen diad panamegley na saray kogip, odino diad panamegley na panawag tod saray ispiritu na saray inaatey, odino diad panamegley na salamangka. Ibabaga ran amin ya ag kayo nepeg a manlingkur ed ari na Babilonia.

Maung a Balita Biblia

⁹ Ag yo dedengelen iray propita yo, odino siopaman a mangibabagan nayarian ton ipasakbay so nagawa ed arapen diad panamegley na saray kogip, odino diad panamegley na panawag tod saray ispiritu na saray inaatey, odino diad panamegley na salamangka. Ibabaga ran amin ya ag kayo nepeg a manlingkur ed ari na Babilonia.

Jeremias 27:9 Iomraidhean Croise

Exodo 22:18

“Nepeg a pateyen so siopaman a biin managsalamangka diad pananulong na maoges ya ispiritu.

Exodo 7:11

Insan impaawit na ari iray makabat a totoo to tan saray managsalamangka to, tan diad dunong dan mansalamangka ginawa ra so singa agawad baston nen Aaron.

Probirbio 19:27

Anak ko, no tondaan moy manaral, nalingwanan mo la ray inaral mo.

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Jeremias 23:16

Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Jeremias 23:25

Amtak so imbabagbaga na saraman a propita a nampropropisiya na tila ed ngaran ko tan ipapapasen da a walay sinalitak ed sikara diad panamegley na saray kogip da.

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Jeremias 29:8

Siak, say Katawan a Dios na Israel, papasakbayan ta kayon ag kayo papapalikdo ed saray propitan kaiba yod tan, odino saray arum ya ipapasen day sikaran dili a nayarian dan ibagay nagawa ed arapen a panaon. Ag yo aasikasoen iray kogkogip da.

Ezekiel 21:29

Tila ray nanenengneng yon pasingayew, tan aliwan tua iray ipapasakbay yon nagawa. Maoges kayon totoo. Onsasabi lay agew na pakadusa yon siansia. Ondapo lan ontoruk ed pagew yo so ispada.

Daniel 4:7

Insan niakar ed siak ya amin iray managparles, saray salamangkiro, saray managanito, tan saray astrologo, tan imbagak ed sikara so kogip ko, balet ag da nipaliwawad siak so kabaliksan to.

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Zacarias 10:2

Saray totoo et mangipapanon irad saray talintaoy diriyos tan diad saray pumaparles, balet tila tan andi-kakanaan iray nanaala ran ebat. Pigarad sikaray mangipapatalus na saray kogip, balet papalikdoen da kayo labat; andi-kakanaan iray iiter dan ligliwa. Kanyan mantawtawataw iray totoon singa ra abalang a karniro. Nagugunigon ira lapud anggapoy pangulo ra.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Saray Gawgawa 8:11

Abayag lan panaon ya apakelaw to ra diad panagsalamangka to, kanyan agaylay panderengel dad sikato.

TAGA-EFESO 5:6

Ag yo aabuloyan a napalikdo kayoy siopaman diad panamegley na andi-kakanaan iran salita, ta sarayan gawa so makasengeg na pampasnuk na Dios ed saray totoon ag ontotoluk ed sikato.

Deuteronomio 13:2

pian natangguyor to kayon mangigalang tan manlingkur ed saray diriyos ya ag yo ni ra inggalang nen saman. Anggaman ontua bilang so insipan to,

Deuteronomio 18:14

Insan inkuanen Moises, “Diad dalin a ngalngali yo la panayaman, saray totood man et oonuren day simbawa na saray managparles tan saray managbuyon, balet say Katawan a Dios yo et ag to kayo abuloyan a manggawa na onya.

Josue 13:22

Say sakey ed saray pinapatey na saray Israelita et si pumaparles a Balaam a lakin anak nen Beor.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Puyan 9:21

Ag ira nampataulid panagpatey, panaganito, panagtakew, tan panagkasalanan na inmoralidad.