Jeremias 27:5 - Maung A Balita Biblia

⁵ “Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Maung a Balita Biblia

⁵ Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Jeremias 27:5 Iomraidhean Croise

Genesis 1:25

Onya so impamalsa na Dios ed sarayan amin ya ayayep. Say Dios anengneng to a maung so agawa.

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Nehemias 9:22

“Inyabuloy mon nadakep da iray bansa tan saray nanarian, saray dalin ya akiketeg ed dalin da. Dinakep day dalin na Hesbon a nanarian nen Sehon tan say Basan a nanarian nen Og.

Saray Salmo 102:25

abayag lan pinalsam so mundo, tan saray dilin limam so nanggawad katawenan.

Saray Salmo 96:5

Talintao labat ya amin iray diriyos da ray arum a bansa, balet say Katawan pinalsa to ray katawenan.

Exodo 20:11

Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 45:12

Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Isaias 48:13

Inlira na limak so pundasion na mundo tan impanat koy katawenan. No tawagen ko ray mundo tan saray katawenan, ondago ran tampol tan iparontal day sikaran dili.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Jeremias 27:4

Say Katawan a Makapanyarin-amin a Dios na Israel imbaga tod siak ya iganggan ko ra ya ibaga rad saray arari ra a say Katawan inkuanto:

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Jeremias 51:15

Say Katawan ginawa toy mundo diad panamegley na pakayari to; diad panamegley na kakabatan to pinalsa toy dalin, tan impanat toy katawenan.

Daniel 2:38

Impagmaliw to kan manoley ed amin a pasen a kawalaan na totoo tan manoley ed amin da ray ayayep tan amin da ray manok. Sika may olon balituk.

Daniel 4:14

Imbawag tod makmaksil a bosis, ‘Batang yoy kiew tan salingsing yo ray sanga to; ekal yo ray bolung to tan itayak yo ray bunga to. Abul yo ray ayayep a walad silong to tan saray kamanukan a walad sangasanga to.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Daniel 4:22

“Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Saray Gawgawa 17:24

Say Dios ya amalsay mundo tan amin a logan to, sikatoy Katawan na tawen tan dalin, kanyan ag manaayam ed saray Timplon ginaway too.

Saray Gawgawa 17:26

Manlapud saksakey a too, pinalsa toy katoowan ed amin a bansa tan impanayam to ra diad tapew na dalin. Sikaton diliy angigana ed saray panaon tan saray ketegan na panayaman da.

Deuteronomio 2:19

Asingger kayo lad satan ed dalin da ray Ammonita, saray kabyangay boleg nen Lot. Ag yo ra gugunigonen; ag yo igagapoy mibakal ed sikara, lapud ag ta kayon balut itdan na parti na dalin ya inter ko lad sikara.’” (

Deuteronomio 2:21

Singa kaatagey na saray Anakim so kaatagey da. Amayamay ira tan makapanyari ran poli. Balet dineral ira na Katawan, kanyan inala na saray Ammonita so dalin da tan nanayam irad man.

Deuteronomio 2:7

“Nunot yo no panoy impamindision na Katawan a Dios yo ed amin a ginagawa yo. Inasikayo to kayo legan yon nanaakar-akar ed sayan maawang a kalawakan. Apataploy taon ya inolup to kayo, tan ag kayon balut kinmulang ed antokaman a nakaukolan yo.

Deuteronomio 2:9

Say Katawan kuantod siak, ‘Ag yo gugunigonen iray totood Moab, saray kabyangay boleg nen Lot; ag yo igagapoy mibakal ed sikara. Inter ko lad sikara so siudad na Ar, tan ag ta kayo itdan na anggan anton parti na dalin da.’” (

Deuteronomio 32:8

Say Sankatageyan impabetang tod saray bansa iray dalin da; sikatoy angilira ed saray katoowan no iner so panayaman da. Anoro na sakey a mangatatawen a pinalsa a para balang sakey a bansa,

Deuteronomio 4:17

ayep odino manok ed tagey,

Deuteronomio 4:25

“Anggan abaybayag kayo lan manaayam ed saman a dalin tan awalaan kayo la na saray anak tan apo, ag kayo mankakasalanan diad panggawa yoy antokaman a talintaoy dios. Maoges ya ed arap na Katawan, tan sikatoy makasengeg na pampasnuk to.

Deuteronomio 4:32

“Osisa yo so apalabas, say panaon kasakbayan na inkianak yo, manlapud impamalsay Dios ed too diad tapew na dalin. Sukimat yo so intiron mundo. Wala la kasi so agawa nen saman a matalonggaring a singa saya? Wala la kasi so akadngel na singa onyan agawa?

Deuteronomio 4:35

Say Katawan impapanengneng to ra man ed sikayo, pian napaneknekan tod sikayo a bukbukor to so Dios tan anggapo lay arum.

Deuteronomio 5:16

“‘Igalang moy amam tan say inam, onung na ingganggan ko, siak a Katawan a Dios mo, ed sika, pian maung lawas so kipapasen mo tan andokey so pambilay mo ed dalin ya iter kod sika.

Deuteronomio 9:29

Say katwaan to, sikaray totoon pinilim a kayaryan tan impaway mo rad Egipto diad panamegley na baleg a biskeg tan pakayarim.’

COLOSAS 1:16

Ta diad panamegley to, apalsa ray amin a walad tawen tan dalin, nanengneng man o andi, pati saray maispiritun pakayari, kakatawan, manoley, tan saray walay betang. Apalsa ray amin a bengatla diad panamegley to tan para sikato.

Saray Hebreo 1:2

Balet diad sarayan kaonuran ya agew, say Dios nansalitad sikatayo diad panamegley na Anak to. Pinalsa na Dios so sankamundoan diad panamegley na Anak, a pinili ton manawir na amin a bengatla.

Puyan 4:11

“Katawan tan Dios mi! Manepenepeg kan mangawat na galang, dayew, tan pakayari. Ta sikay amalsad amiamin, tan onung ed linawam, niwala ra tan naitdan iray bilay.”