Jeremias 27:12 - Maung A Balita Biblia

¹² Onya met so inkuankod kinen Ari Sedekias na Juda, “Paoleyan kad ari na Babilonia. Manlingkur kad sikato tan saray totoo to, et mambilay ka.

Maung a Balita Biblia

¹² Onya met so inkuankod kinen Ari Sedekias na Juda, Paoleyan kad ari na Babilonia. Manlingkur kad sikato tan saray totoo to, et mambilay ka.

Jeremias 27:12 Iomraidhean Croise

Probirbio 1:33

Balet niarawid kaatapan so siopaman ya ondengel ed siak. Mareen so pambilay to, ta anggapoy nepeg ton takotan.”

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

Jeremias 21:9

Siopamay manayam ed dalem na siudad ompatey ed bakal, eras, odino salot. Balet siopamay ompaway tan onsukod saray taga Babilonia, ya ondodogpa ra natan ed siudad et ag ompatey. Say bilay da labat so nayarian dan iyagel.

Jeremias 27:8

“Balet no walay bansa odino nanarian ya ag onsilong ed pakaoley nen Nabucodonosor tan ag ontoluk ed pakaoley to, dusaen ko itan a bansa diad panamegley na bakal, eras, tan salot, anggad sigput a napaderal kod sikato.

Jeremias 28:1

Diad saman a taon, nen kumaliman bulan na kumapat a taon na panaari nen Sedekias, akisalitad siak ed Timplo si Ananias a lakin anak nen Azur, sakey a propitan taga Gabaon. Diad arap na saray papari tan saray totoo imbaga tod siak

Jeremias 28:2

a say Katawan a Makapanyarin-amin, say Dios na Israel, et inkuanto, “Dineral koy pakayari na ari na Babilonia.

Jeremias 38:17

Insan ko imbagad kinen Sedekias a say Katawan a Makapanyarin-amin a Dios na Israel inkuanto, “No onsuko kad ari na saray opisyal na Babilonia, nipaliis kad patey tan ag napoolan yan siudad. Sika tan say pamilyam et nipaliis ed patey.

Jeremias 42:11

Ag kayo la ontatakot ed ari na Babilonia. Ag yo tatakotan, ta wala ak ed sikayo; iyagel ta kayod pakayari to.