Jeremias 27:11 - Maung A Balita Biblia

¹¹ Balet no onsuko so sakey a bansa ed ari na Babilonia tan panlingkuran to, abuloyan kod satan a manayam ed dilin dalin to, dalusan to, tan panayaman to. Siak, say Katawan, so nansalita.”

Maung a Balita Biblia

¹¹ Balet no onsuko so sakey a bansa ed ari na Babilonia tan panlingkuran to, abuloyan kod satan a manayam ed dilin dalin to, dalusan to, tan panayaman to. Siak, say Katawan, so nansalita.

Jeremias 27:11 Iomraidhean Croise

Jeremias 21:9

Siopamay manayam ed dalem na siudad ompatey ed bakal, eras, odino salot. Balet siopamay ompaway tan onsukod saray taga Babilonia, ya ondodogpa ra natan ed siudad et ag ompatey. Say bilay da labat so nayarian dan iyagel.

Jeremias 27:12

Onya met so inkuankod kinen Ari Sedekias na Juda, “Paoleyan kad ari na Babilonia. Manlingkur kad sikato tan saray totoo to, et mambilay ka.

Jeremias 27:2

a manggawa ak na pako, singeran ko na katat tan iyan kod beklew ko.

Jeremias 27:8

“Balet no walay bansa odino nanarian ya ag onsilong ed pakaoley nen Nabucodonosor tan ag ontoluk ed pakaoley to, dusaen ko itan a bansa diad panamegley na bakal, eras, tan salot, anggad sigput a napaderal kod sikato.

Jeremias 38:2

a say Katawan inkuanto, “Ompatey ed bakal, odino eras, odino salot so siopaman a manayam ed dalem na siudad. Balet ag napatey so siopaman ya ompaway ed siudad ta onsukod saray taga Babilonia; nipaliis ed patey tan mambilay.”

Ezekiel 28:25

Say Katawan a Dios kuanto, “Papawilen ko ray Israelita ed dalin da, manlapud saray bansan nikayatan da, et diad satan nakabatan na saray amin a bansa a siak so masanto. Saray totood Israel manayam irad dilin dalin da, say dalin ya iter kod kinen aripen kon Jacob.