Jeremias 26:9 - Maung A Balita Biblia

⁹ Akin et imbagam, diad ngaran na Katawan, a sayan Timplo et magmaliw a singa Silo, tan naderal yan siudad, tan anggapoy manayam dia?” Insan minokut ak na saray totoo.

Maung a Balita Biblia

⁹ Akin et imbagam, diad ngaran na Katawan, a sayan Timplo et magmaliw a singa Silo, tan naderal yan siudad, tan anggapoy manayam dia? Insan minokut ak na saray totoo.

Jeremias 26:9 Iomraidhean Croise

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Isaias 29:21

Deralen na Dios iray mamapaoges na kapara ran too, saray manesebel na pakadusa da ray kriminal, tan saray mantatasiy tila pian ag niiter so katonungan da ray maptek so kabibilay da.

Jeremias 32:3

Impriso ak diman nen Ari Sedekias tan inakusa to ak ya imbawag kon say Katawan kuanto, “Ipadakep ko yan siudad ed ari na Babilonia,

Jeremias 33:10

Inkuan na Katawan, “Ibabaga na saray totoo a sayan pasen et singa kalawakan ya anggapoy too o ayep a manaayam. Tuay ibabaga ra ya anggapoy kabaliksan iray baley na Juda tan saray dalan na Jerusalem; anggapoy manaayam a too o ayep ed sikara. Balet diad sarayan pasen narengel yo lamet

Jeremias 36:29

Imbaga na Katawan ed siak ya ikuankod kinen Ari Joakim yan salita to, “Pinoolan mo may babasaen, tan tinepet mod kinen Jeremias no akin et insulat ton onsabi so ari na Babilonia a manderal ed sayan dalin, tan pateyen to ray totoo tan saray ayayep dia.

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Amos 5:10

Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Mikias 2:6

Saray totoo pupulongan da ak a kuanda, “Ag mo kami pupulongan. Ag mo tan ipupulong ed sikami. Say Dios et ag to kami ipelag ed kababaingan.

Mateo 21:23

Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, “Antoy pankatonungan mon manggawad saraya? Siopay angiter ed sika yan pankatonungan?”

Mateo 27:20

Saramay manonan papari tan saramay mamatakken na baley nilagyat da ray totoo a kerewen dad kinen Pilato ya ibolus toy Barabbas tan papatey to si Jesus.

Marcos 15:11

Balet saray manonan papari sinogsogan da ray totoo a kerewen dad kinen Pilato ya ibolus toy Barabbas, aliwan si Jesus.

Juan 8:20

Imbalikas nen Jesus ira ya nen mambabangat ed Timplo, diad pasen a kawalaay kahon a pananginay kuartan ibabagat. Anggapoy angerel ed sikato lapud ag ni asabiy oras to.

Juan 8:59

Lapud saya, nandokdok iray baton panupak dad kinen Jesus, balet sinmanib insan la pinmaway ed Timplo tan tinmaynan.

Saray Gawgawa 13:50

Balet saray Judio sinogsogan dan mamairap ed kindi Pablo tan Bernabe iray matalonan bibii a mangigagalang ed Dios tan saray matalonggaring a lalakid saman a siudad, kanyan pinataynan da rad man.

Saray Gawgawa 21:30

Agoloy intiron siudad, tan kibatiktik iray totoon dinmadago. Siningkat day Pablo, tan inggayugoy dad paway na Timplo, insan da insaran tampol iray puirta.

Saray Gawgawa 22:22

Anggad sayan bekta, onderengel iray totood kinen Pablo; balet kabebekta ginapoan day naneeyag-eyag. Inkuanda, “Papateyen itan a klasiy too! Ag to nepeg so mambilay!”

Saray Gawgawa 3:11

Leleg ya akapeket ed kindi Pedro tan Juan imay laki nen wala rad natatawag a Portiko nen Solomon, mankelaw iray totoo tan binmatik iran sinmingger ed sikara.

Saray Gawgawa 5:12

Amayamay a milagro tan pakelaw so ginagawa da ray apostol, tan naimatunan ira ya na totoo. Nantitipon ed Portiko nen Solomon iray amin a mananisia.

Saray Gawgawa 5:28

Inkuanto, “Mapeget mi kayon ingganggan ya ag kayo la mambabangat ed ngaran na sayan too, balet nengneng yoy ginawa yo! Inkayat yod intiron Jerusalem so bangat yo, tan ipapakasalanan yod sikami so impatey to.”

Saray Gawgawa 6:14

Ta nadngel min imbagbaga to a sayan Jesus a taga Nazaret et deralen to yan Timplo, tan salatan ton amin iray kaogaliyan ya impatawir nen Moises ed sikatayo.”

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.