Jeremias 26:19 - Maung A Balita Biblia

¹⁹ Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Maung a Balita Biblia

¹⁹ Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili. (

Jeremias 26:19 Iomraidhean Croise

2 Samuel 24:16

Nen ngalngali deralen na anghil na Katawan so Jerusalem, angoman na kanunotan so Katawan nipaakar ed panudusa tod saray totoo, kanyan kuantod samay anghil a mamapatey ed sikara, “Tondaan mo la! Duga la tan!” Samay anghil et walad abay na panagilikan nen Arauna a Jebuseo.

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

2 Saray Awaran 34:21

“Lakayo ta ipanonan yo ak ed Katawan tan amin iray totoon atilak nin manaayam ed Juda tan Israel. Amtaen yo so nipaakar ed saray bangat na sayan libro. Mamapasnuk so Katawan ed sikatayo, lapud ag inonur na saray lalaki tayo so salita na Katawan tan ag da ginawa so ibabaga na sayan libro.”

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

Isaias 37:1

Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad Timplo na Katawan.

Isaias 37:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to ra may nansalita. Kanyan ipikasim pad Dios iray nakdaan a totoo tayo.”

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Jeremias 26:3

Ag la pigan ondengel iray totoo tan ikaindan day maoges a panagbilay da. No onyay gawaen da, mangoman ak ed kanunotan nipaakar ed ginetmak lan panderal ed sikara lapud saray maoges a gawgawa ra.”

Jeremias 44:7

“Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?

Amos 7:3

Inoman na Katawan so kanunotan to kanyan inkuanto, “Ag nagawa so anengneng mo.”

Habacuc 2:10

Balet saray ginagawa yo so angipelag ed pamilya yo ed kababaingan; lapud impanderal yod amayamay a bansa impelag yod kadederal so sikayon dili.

Zacarias 7:2

Saray taga Betel imbaki da ra di Sarezer tan Regemmelek tan saray totoo ran lalaki ya onla rad Timplo na Katawan a Makapanyarin-amin, ta onkerew ira na bindision na Katawan,

Saray Bilang 16:38

Nagmaliw iran masanto nen niapay ira ed altar na Katawan. Kanyan alam ira may pananginay insinso a kayaryan na saramay totoon inaatey lapud kasalanan da, pitpit mo ra tan gawam iran okup na altar. Sikatoy sakey a pasakbay ed saray totood Israel.”

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Saray Gawgawa 5:39

Balet no nanlapud Dios, ag yo ra natalo. Ompan ompaway ni ingen a say Dios so lalabanan yo!” Tinombuk na Sanidrin yan simbawa nen Gamaliel.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”