Jeremias 26:11 - Maung A Balita Biblia

¹¹ Insan saray papari tan saray propita kuandad saray pangulo tan saray totoo, “Sayan too kanepegan toy pateyen lapud nansalita sumpad siudad tayo. Sikayon dili so akadngel ed sikato.”

Maung a Balita Biblia

¹¹ Insan saray papari tan saray propita kuandad saray pangulo tan saray totoo, Sayan too kanepegan toy pateyen lapud nansalita sumpad siudad tayo. Sikayon dili so akadngel ed sikato.

Jeremias 26:11 Iomraidhean Croise

Jeremias 18:23

Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Jeremias 26:16

Insan saramay pangulo tan saramay totoo kuandad saray papari tan saray propita, “Ag nepeg a pateyen yan too, lapud nansalita ed sikatayo diad ngaran na Katawan tayon Dios.”

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Mateo 26:66

Antoy kuanyo?” Inmebat ira, “Nankasalanan, tan nepeg a pateyen.”

Juan 18:30

Inmebat ira, “No anggapoy maoges a ginawa to yan too, ag mi komun inyakar ed sika.”

Juan 19:7

Inmebat iray Judio, “Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.”

Saray Gawgawa 22:22

Anggad sayan bekta, onderengel iray totood kinen Pablo; balet kabebekta ginapoan day naneeyag-eyag. Inkuanda, “Papateyen itan a klasiy too! Ag to nepeg so mambilay!”

Deuteronomio 18:20

Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

Saray Huis 6:30

Insan da inkuan ed kinen Joas, “Ipaway mo diay anak mo ta pateyen mi! Inggeba toy altar a para Baal tan say tanda nen Asera a walad kaabay to.”