Jeremias 25:33 - Maung A Balita Biblia

³³ Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Maung a Balita Biblia

³³ Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.

Jeremias 25:33 Iomraidhean Croise

2 Saray Arari 9:37

Nabuybuyak a singa dotak so bangkay to tan anggapoy makabirbir ed sikato.’”

Saray Salmo 79:3

Imbung dan singa danum so dala da ray totoom; say dala ra inmagos ed intiron Jerusalem, et anggapoy akeraan a mangipompod saray bangkay.

Saray Salmo 83:10

Tinalom irad Endor, tan aboluk-boluk ed dalin iray bangkay da.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 66:16

Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Ezekiel 21:11

Apasileng so ispada, pian niparaan ya ikana. Niyobul tan apasileng, pian niderew ed saray lima na pumapatey.

Ezekiel 29:4

Tagaan ko so sangim tan papeketen kod sika ray sira ed ilog mo. Insan ta ka isakbit ed pandel na ilog, pati saray amin a siran akapeket ed sika.

Ezekiel 29:5

Ibantak ta kad kalawakan, pati saray amin a sira. Nabaldak ed dalin so laman mo tan natilak diman ya ag la nikotkot. Iter ko lan siraen na saray manok tan saray ayayep.

Sofonias 2:12

Pateyen met na Katawan iray totood Sudan.

Puyan 11:9

Diad loob na taloy agew tan kapaldua, saray bangkay da nengnengen na saray totoon manlapud amin a katoowan, tribu, salita tan bansa; tan ag da abuloyan a nipompon ira.