Jeremias 25:30 - Maung A Balita Biblia

³⁰ “Sika, Jeremias, nepeg mon ipulong ya amin iray imbagak. Nepeg mon ikuan ed sarayan totoo, ‘Say Katawan unungol manlapud tawen tan onkarul manlapud saray tagey na tawen. Unungol sumpad saray totoo to; oneyag a singa lakin manggagatingatin na saray ubas, Narengel na balang too ed tapew na dalin,

Maung a Balita Biblia

³⁰ Sika, Jeremias, nepeg mon ipulong ya amin iray imbagak. Nepeg mon ikuan ed sarayan totoo, Say Katawan unungol manlapud tawen tan onkarul manlapud saray tagey na tawen. Unungol sumpad saray totoo to; oneyag a singa lakin manggagatingatin na saray ubas, Narengel na balang too ed tapew na dalin,

Jeremias 25:30 Iomraidhean Croise

2 Samuel 15:25

Insan inkuan na ari ed kinen Sadoc, “Ipawil mo lad siudad so Kaban na Sipanan. No maung so linawa na Katawan ed siak, papawilen to ak a nengnengen ko tan say pasen a kawalaan to.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

2 Saray Awaran 30:27

Kinerew na saray papari tan saray Levita a bindisionan komun na Katawan iray totoo. Nadngel na Dios a manaayam ed tawen so pikakasi ra et inawat to ra.

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Salmo 132:14

“Diay panayaman ko ya anggad angga; diay labay kon panoleyan.

Saray Salmo 46:6

Natatakot iray bansa, nagogolo ray nanarian; oneeyag so Dios, et natotonaw so sankamundoan.

Saray Salmo 58:5

ya ag to narengel so bosis na toon managpaamo na oleg, o say kanta na masilib a salamangkiro.

Saray Salmo 78:65

Diad kaonuran, say Katawan binmangon a singa aliing ed ogip to; singa toon mabiskeg a maniingal lapud abuek.

Isaias 16:9

Nanangisan ko natan iray wakal na Sibma a singa pannanangis kod Jazer. Onteterter so luak lapud Hesbon tan Eleale, ta anggapoy ani a makapaliket ed saray totoo.

Isaias 33:3

No sikay mibakal a para sikami, saray bansa ibatikan day ingal na bakal.

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Jeremias 17:12

Singa mapagalang a trono so Timplo tayo; nanlapud gapo manalalagey ed toktok na sakey a palandey.

Jeremias 25:38

Inkaindan na Katawan iray totoo to a singa lion ya ontataynan ed ongib to. Nagmaliw a kalawakan so bansa ra lapud baleg a bakal tan lapud mapalalon petang na olo na Katawan.

Jeremias 48:33

Naandi ray liket tan gayaga ed mabonan dalin na Moab. Ag ko la papaagosen so alak a manlapud panagpespesan na ubas; anggapo lay manggawa na alak tan anggapo la ray oneyag ed liket.

Oseas 11:10

“Ontombuk ed siak iray totook no singa ak lion ya ongwam ed saray kalaban da. Manlapud sagur mangganat iran ondagod siak.

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Joel 3:16

Unungol a manlapud Palandey na Sion so Katawan; say bosis to onkarul a manlapud Jerusalem; nayakayak iray katawenan tan nayegyeg so dalin. Balet iyagel to ray totoo to.

Amos 1:2

Inkuanen Amos, “Unuungol a manlapud Sion so Katawan; onkakarul a manlapud Jerusalem so bosis to. Namamagaan iray pastolan tan ompapatey iray dika ed Palandey na Carmelo.”

Amos 3:8

No ongwam so lion, siopay ag ontakot? No mansalita so Katawan a Dios, siopay makapangitepel ya ag to ibawag so salitay Dios?

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.

Deuteronomio 26:15

Manlapud tad masanton pasen ed tawen osdungan mo pa ray totoom ya Israelita tan bindisionan mo ra; bindisionan mo pa met so mayaman tan mataban dalin ya inter mod sikami onung na insipan mod saray lalaki mi.’

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.