Jeremias 25:27 - Maung A Balita Biblia

²⁷ Insan inkuan ed siak na Katawan, “Ibagam ed saray totoo a siak, say Katawan a Makapanyarin-amin a Dios na Israel, igaganggan ko ra ya oninom a anggad nabuwek-buwek ira tan manota-ota ra, anggad natumba ra tan ag ira la makabangon lapu ed bakal ya ipadalan kod sikara.

Maung a Balita Biblia

²⁷ Insan inkuan ed siak na Katawan, Ibagam ed saray totoo a siak, say Katawan a Makapanyarin-amin a Dios na Israel, igaganggan ko ra ya oninom a anggad nabuwek-buwek ira tan manota-ota ra, anggad natumba ra tan ag ira la makabangon lapu ed bakal ya ipadalan kod sikara.

Jeremias 25:27 Iomraidhean Croise

Isaias 51:21

Sikayon maniirap a totood Jerusalem, sikayon mandongilngil a singa kayo abuek,

Isaias 63:6

Diad pasnuk ko ginagatinan ko ray amin a bansa tan tinetemek ko ra. Imbung kod dalin so dala ra.”

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Jeremias 13:13

Insan ibagam ed sikara a siak, say Katawan, pansawaen ko na alak iray totood sayan dalin anggad nabuek ira: saray ari a kabyangan iray boleg nen David, saray papari, saray propita, tan amin a totood Jerusalem.

Jeremias 22:10

Totood Juda, ag yo aakisan si Ari Josias, odino eermenan so impatey to. Balet akisan yoy ampaipait si Joacaz a lakin anak to; aawiten dad arawin pasen tan ag lan balut makapawil; ag to lan balut nanengneng so dalin ton nianakan.

Jeremias 25:16

No inomen da, mandongilngil ira tan naderal so olo ra lapud bakal a padalanen kod sikara.”

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Jeremias 50:35

Say Katawan kuanto, “Patey ed Babilonia! Patey ed saray totoo to, saray manoley to tan diad saray makabat a totoo to.

Jeremias 51:39

Masiba ra? Iparaanan ko ray sakey a ponsia, tan bueken tan panliketen ko ra. Onogip ira tan ag ira lan balut ombangon.

Jeremias 51:57

Bueken ko ray manoley to— saray makabat ton totoo, saray pangulo to, tan saray sondalo to. Onogip ira tan ag ira lan balut ombangon. Siak, say ari, so nansalita; siak so Katawan a Makapanyarin-amin.

Saray Tagleey 4:21

Manliket tan manggayaga kayo, sikayon taga Edom tan Uz. Onsabi met ed sikayoy deral, mandongilngil kayo met a manakar-akar ya anggapoy kawes.

Amos 8:14

Natumba tan ag la makabangon iray totoon mansasamba ed saray talintaod Samaria a kuanda, ‘Diad ngaran na dios na Dan,’ odino ‘Diad ngaran na dios na Beer-seba.’”

Nahum 3:11

Ninive, magmaliw ka met a singa abuek a mandongilngil! Ibatikan mo met iray kalaban mo.

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.

Deuteronomio 32:42

Saray panak naames na dala ra, tan say ispadak pateyen to ray amin ya onsumlang ed siak. Anggapoy ikerak a mabilay ed amin da ray onlaban ed siak; anggan saray sugatan tan priso et ompatey ira.’

Puyan 14:10

inomen toy alak, say alak na pasnuk na Dios ya imbales ton anggapoy lauk ed kupay sanuk to! Napairap ed apoy tan asupri diad arap na Kordiro tan saray masanton anghil.