Jeremias 25:17 - Maung A Balita Biblia

¹⁷ Kanyan inalak ed lima na Katawan imay kupa, insan ko impainom ed saray bansan angibakian tod siak.

Maung a Balita Biblia

¹⁷ Kanyan inalak ed lima na Katawan imay kupa, insan ko impainom ed saray bansan angibakian tod siak.

Jeremias 25:17 Iomraidhean Croise

Jeremias 1:10

Natad sayan agew iiter kod sikay pakaoley ed saray bansa tan saray nanarian, pian sikay mamagut tan mangigeba, maneral tan manalo, mamaalagey tan mangiletneg.”

Jeremias 25:28

No ag da labay ya awaten tan inoman itay kupan walad limam, ibagam ed sikara a say Katawan a Makapanyarin-amin so angibaga a nepeg dan inomen so walad kupa.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 27:3

Insan say Katawan imbaga tod siak a paibagak ed saray ararid Edom, Moab, Ammon, Tiro, tan Sidon diad panamegley na saray ibabaki ra a wala ra natan ed Jerusalem, ta mitongtong irad kinen Ari Sedekias.

Ezekiel 29:2

Inkuanto, “Sika a toon ompatey, mansalita ka sumpad ari na Egipto. Ibagam ed sikato no panon so kadusa to tan say intiron dalin na Egipto.

Ezekiel 3:2

Kanyan sinmangi ak tan initdan to ak na kanen kon nilokut a babasaen.

Ezekiel 43:3

Sayan pasingayew et singa samay pasingayew ya anengneng ko nen sinmabi so Dios ya aneral ed Jerusalem, tan samay pasingayew ya anengneng kod gilig na Ilog na Kebar. Insan ko intiblak ed dalin.

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.