Jeremias 25:10 - Maung A Balita Biblia

¹⁰ Patondaen ko ray paneeyag dad liket tan gayaga tan saray maliket a tanul ed saray bansal. Naandian ira na larak a para saray lamparaan da tan saray trigo.

Maung a Balita Biblia

¹⁰ Patondaen ko ray paneeyag dad liket tan gayaga tan saray maliket a tanul ed saray bansal. Naandian ira na larak a para saray lamparaan da tan saray trigo.

Jeremias 25:10 Iomraidhean Croise

Ester 3:13

Sayan sulat et inyakar na saray ibabaki ed balang luyag na nanarian. Ibabaga na samay ganggan a pateyen ya amin iray Judio—malangwer may matakken, bibii may ogogaw—ed sakey ya agew, say kumalabintalon agew na Adar. Pateyen iran andi-panangasi tan alaen iray kayaryan da.

Ester 7:4

Saray totook tan siak et nilako kamin pateyen. No nilako kamin aripenen labat komun, andi bali la; ag ak la komun onesel, tan ag ta ka la sigensigenen nipaakar ed saya. Balet ngalngali da kami la pateyen, paandipaten!”

Ester 8:11

Nipaliwawad sarayan sulat ya inaboluyan na ari iray Judio ed balang siudad a togyupen day sikaran dili pian niagel day bilay da. No ondogpa iray anggan siopan totoo ya akaarmas, diad anggan anton luyag, ed saray Judion lalaki, saray kaasawaan tan saray anak da, nayarian day onlaban, pateyen da ran amin tan alaen iray kayaryan da.

Isaias 47:2

Patelek moy gilingan! Manggiling kay arina! Ekal moy pandung mo! Lakseb moy marakep a kawes mo! Itagey moy paldam diad ibaliw mod saray kolus.

Jeremias 16:9

Dengel kad siak a Katawan a Makapanyarin-amin, say Dios na Israel, ed nepeg kon ibaga. Patondaen ko ray tanul na likeliket tan gayaga, tan say sayaksak na saray nubio tan saray nubia ed sayan pasen. Saray totoo dia mambilay ira ya anggad pakanengneng dan nagawa ya.

Jeremias 48:33

Naandi ray liket tan gayaga ed mabonan dalin na Moab. Ag ko la papaagosen so alak a manlapud panagpespesan na ubas; anggapo lay manggawa na alak tan anggapo la ray oneyag ed liket.

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.

Saray Tagleey 5:15

Naandi lad bilay mi so gayaga; ermen so sinmalat ed saray panagsayaw mi.

Ezekiel 26:13

Patondaen kon amin iray kansion mo, tan saray togtog na saray arpam.

Oseas 2:11

Patondaen kon amin iray pista to—saray pista ton binulan tan tinaon, say panagngilin tod Agew na Panagpainawa tan amin da ray tinandaan a pista.