Jeremias 24:1 - Maung A Balita Biblia

¹ Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.

Maung a Balita Biblia

¹ Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.

Jeremias 24:1 Iomraidhean Croise

2 Saray Arari 24:10

Legan na panooley to nilakob na saray sondalon taga Babilonia so Jerusalem, diad panangipangulo na saray opisyal nen Ari Nabucodonosor.

2 Saray Awaran 36:10

Nen sinmabiy tiagew, si Ari Nabucodonosor inawit toy Joakin a sakey a priso ed Babilonia, tan inala to ray kayamanan na palasioy ari. Insan si Nabucodonosor ginawa ton ari na Juda tan Jerusalem si Sedekias a pangamaen nen Joakin.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Jeremias 13:19

Nilakob na saray sondalo iray baley ed abalaten na Juda; anggapo so toon makadalan ed saray baley. Nala ya amin iray totood Juda tan nibantak ira ed arum a bansa.”

Jeremias 28:4

Ipawil ko met diay lakin anak nen Joakim a si Joakin ya ari na Juda. Kaiba ton ompawil iray amin a totood Juda a nibantak ed Babilonia. On, deralen koy pakayari na ari na Babilonia. Siak, say Katawan, so nansalita.”

Jeremias 29:1

Sinulat ko ray pangulo, saray papari, saray propita, tan amin a totoon dinakep nen Nabucodonosor ed Jerusalem tan inyakar to ran priso ed Babilonia.

Jeremias 29:2

Ginawak yan sulat nen akataynan lad Jerusalem ira di Ari Joakin, say ina to, saray opisyal ed palasio, saray pangulod Juda tan Jerusalem, saray marunong a mankimey tan saray panday.

Jeremias 37:1

Si Ari Nabucodonosor na Babilonia insalat tod kinen Joakin a lakin anak nen Joakim so lakin anak nen Josias a si Sedekias a manari ed dalin na Juda.

Ezekiel 17:4

Inawit tod dalin da ray nigosianti tan inlira to ed siudad na saray managlako.

Ezekiel 19:9

Inkarga ra ed sakey a kolungan tan inyakar da ed ari na Babilonia. Impokuk da insan da impabantayan, pian ag lan balut narengel ed kapokdulan na Israel so pangwam to.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Amos 7:1

Walay impasingayew ed siak na Katawan a Dios. Diad sayan pasingayew anengneng koy Dios ya amalsa na amayamay a dorun sanen kakkapanggapas ed saray trigon kayaryan na ari tan sanen ontutubo lamet iray dika.

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Amos 7:7

Walay sananey ya impasingayew na Katawan ed siak. Diad sayan pasingayew anengneng koy Katawan a manalalagey ed abay na padir a pinatawinan nen impaalagey, tan sankabembenan toy sakey a patawin.

Zacarias 1:20

Insan impanengneng na Katawan ed siak so apatiran kumikimey a sankaawit da ray mantilyo.

Zacarias 3:1

Diad sananey a pasingayew say Katawan impanengneng tod siak a manalalagey ed arap na anghil na Katawan si Josue a Pangulon Pari. Manalalagey met diman ed abay to si Satanas ya akaparaan lan mangakusa ed kinen Josue.