Jeremias 23:8 - Maung A Balita Biblia

⁸ Ingen mansamba ra a kuanda, ‘Nitay mabilay a Dios ya angipaway na saray totood Israel ed baybay a bansa tan angipaway met ed sikara ed saray amin a bansa ya angikayatan tod sikara.’ Insan irad satan manayam ed dilin dalin da.”

Maung a Balita Biblia

⁸ Ingen mansamba ra a kuanda, Nitay mabilay a Dios ya angipaway na saray totood Israel ed baybay a bansa tan angipaway met ed sikara ed saray amin a bansa ya angikayatan tod sikara. Insan irad satan manayam ed dilin dalin da.

Jeremias 23:8 Iomraidhean Croise

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Jeremias 16:14

Say Katawan kuanto, “Onsabiy panaon ya anggapoy toon mansamba ed siak a mabilay a Dios ya angipaway ed dalin na Egipto ed saray totood Israel.

Jeremias 16:15

Ingen mansamba rad siak a mabilay a Dios ya angipaway ed saray totood Israel manlapud dalin ed baybay tan manlapud amin a bansan angikaykayatan kod sikara. Ipawil ko rad dilin bansa ra, say dalin ya inter kod saray lalaki ra. Siak, say Katawan, so nansalita.”

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 31:8

Alaen ko rad bansa ed baybay tan tiponen ko ran manlapud saray sokung na mundo. Milad sikara iray bulag tan saray lopuy, saray malokun tan amin da ray paanak-anak. Ompawil ira a sakey a matalonggaring a bansa.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 8:3

Saray makapaliis ed patey a totood sayan maoges a bansa a manaayam irad saray lugar ya angikaykayatan kod sikara et lablabayen da niy ompatey nen say mambilay. Siak, say Katawan a Makapanyarin-amin so nansalita.”

Ezekiel 28:25

Say Katawan a Dios kuanto, “Papawilen ko ray Israelita ed dalin da, manlapud saray bansan nikayatan da, et diad satan nakabatan na saray amin a bansa a siak so masanto. Saray totood Israel manayam irad dilin dalin da, say dalin ya iter kod kinen aripen kon Jacob.

Ezekiel 34:13

Alaen ko rad saray arum a bansa, pantitiponen ko ra, insan ko ra ipawil ed dilin dalin da. Iwanwan ko rad kapalandeyan tan kakolusan na Israel, tan pankabkaben ko rad malambut a pastolan.

Ezekiel 36:24

Alaen ta kayo ed balang bansa tan ipawil ta kayo ed dilin dalin yo.

Ezekiel 36:35

Salitaen na balang sakey no panon a sayan siudad, a nen saman sakey a kalawakan, et nagmaliw a singa Tanamanan na Eden, tan no panon a panaayaman la tan apaliberan la na padir iray siudad ya ageba-geba, ataynan, tan aderal-deral nen saman.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Ezekiel 39:28

Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.

Joel 3:7

Ipaway ko ra natan ed saray pasen ya angilakuan yod sikara. Gawaen kod sikayo so ginagawa yod sikara.

Mikias 7:15

Manggawa ka pa na saray milagro ed sikami a singa samay ginawam diad saramay agew ya impaway mo kamid Egipto.

Sofonias 3:20

Onsasabi lay panaon! Pasempeten ko ray totoo yon nikaykayat; pagmaliwen ta kayon bantug ed intiron mundo tan paaligwasen ta kayo lamet.” Say Katawan so nansalita.