Jeremias 23:39 - Maung A Balita Biblia

³⁹ ya andi-duaruwan alsaen ko ra, insan ko ra ibantak ed arawi, sikara tan say siudad ya inter kod sikara tan saray lalaki ra.

Maung a Balita Biblia

³⁹ ya andi-duaruwan alsaen ko ra, insan ko ra ibantak ed arawi, sikara tan say siudad ya inter kod sikara tan saray lalaki ra.

Jeremias 23:39 Iomraidhean Croise

Genesis 4:16

Tinmaynan si Cain ed arap na Katawan tan nanayam ed dalin a tatawagey “Akar-akar,” diad bokig na Eden.

Genesis 6:17

Delapen koy intiron dalin, pian naderal so antokaman a mabilay. Ompatey ya amin iray walad tapew na dalin,

2 Saray Arari 23:27

Inkuan na Katawan, “Gawaen kod Juda so singa ginawak ed Israel: pataynanen ko ray totood Juda, tan ipolisay koy Jerusalem, say siudad a pinilik. Ipolisay ko met so Timplo, say pasen ya imbagak a pangigalangan ed siak.”

Saray Salmo 51:11

Ag mo ak pa patataynanen ed arap mo; ag mo pa eekalen ed siak so masanton ispiritum.

Probirbio 13:13

No ipolisay moy maung a simbawa kekerewen moy gunigon, onur mo et arawi kad kaatapan.

Isaias 48:15

Siak so nansalita tan anawag ed sikato; inwanwan ko tan impanpalabok.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Jeremias 12:7

Say Katawan kuanto, “Inkaindan koy Israel; impolisay koy pinilik a bansa. Saray totoon inarok impalimak irad pakayari na saray kalaban da.

Jeremias 23:33

Say Katawan inkuantod siak, “Jeremias, no say sakey ed saray totook odino sakey a propita odino sakey a pari et tepeten tod sika, ‘Anto so papaibaga na Katawan?’ ibagam ed sikato, ‘Sakey ka a makabelbelat ed Katawan, kanyan ibantak to ka.’

Jeremias 23:38

No ag da onuren so ganggan ko, ta ikana ra yan salita, ‘say makabelbelat ed Katawan,’ ibagam ed sikara

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Jeremias 36:31

Dusaen ta ka, saray kabyangay boleg mo, tan saray opisyal mo lapud saray kasalanan yo. Sika, saray totood Jerusalem, tan Juda et ag dinmengel ed saray pasakbay ko, kanyan iyakar kod sikayon amin so deral ya imbagak lan gawaen ko.”

Jeremias 52:3

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda. Linmaban si Sedekias ed Ari Nabucodonosor na Babilonia.

Jeremias 7:14

Kanyan gawaen kod sayan Timplok a panmamatalkan yo so singa samay ginawak ed Silo. Gawaen kod sayan pasen ya inter kod sikayo tan saray lalaki yo so singa samay ginawak ed Silo.

Jeremias 7:15

Paandipaten ta kayod pakanengneng ko a singa samay ginawak ed saray kakanayon yon totood Israel. Siak, say Katawan, so nansalita.”

Saray Tagleey 5:20

Akin et abaybayag lay impangikaindan mod sikami? Ag mo kami la nanunotan?

Ezekiel 34:11

“Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Ezekiel 34:20

“Kanyan natan, siak a Katawan a Dios ibabagak ed sikayo a sintinsiaan ta kayo ran mabiskeg a karniro tan saray makapoy a karniro.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Ezekiel 6:3

Ibagam ed kapalandeyan na Israel a dengelen day salita na Katawan a Dios—a dengelen day ibabagak, siak a Katawan a Dios, ed kapalandeyan, kapokdulan, kakelasan, tan kapataran: mangyakar ak na ispada a maneral ed saray pasen a pangigagalangan na saray totoo ed saray talintaoy diriyos.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.