Jeremias 23:26 - Maung A Balita Biblia

²⁶ Kapigan kasiy itonda na sarayan propita ed pamalikdo rad saray totook diad panamegley na dilin tila ra?

Maung a Balita Biblia

²⁶ Kapigan kasiy itonda na sarayan propita ed pamalikdo rad saray totook diad panamegley na dilin tila ra?

Jeremias 23:26 Iomraidhean Croise

Saray Salmo 4:2

Kapigay itonda yon mamapabaing ed siak, sikayo ran totoo? Kapigay itonday pangaaro yod andi-kakanaan iran salita tan say panaanap yod saray tila?

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Jeremias 17:9

“Siopay makatalus ed puso na too? Anggapoy ontalona ed panamalikdo to; ag onabig so sakit to.

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Oseas 8:5

Kabosul koy bakan balituk ya igagalang na saray taga siudad na Samaria. Mapalaloy petang na olok ed sikara. Anggad kapigay itonda ran mangigalang ed talintaoy diriyos?

Saray Gawgawa 13:10

tan inkuanto, “Sika ya anak na Diablo! Kalaban moy amin a kamaungan, tan napno kay amin a panamalingo tan kaogsan! Akin et pipikeweten mo ray katwaan a nipaakar ed Katawan?

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.