Jeremias 23:25 - Maung A Balita Biblia

²⁵ Amtak so imbabagbaga na saraman a propita a nampropropisiya na tila ed ngaran ko tan ipapapasen da a walay sinalitak ed sikara diad panamegley na saray kogip da.

Maung a Balita Biblia

²⁵ Amtak so imbabagbaga na saraman a propita a nampropropisiya na tila ed ngaran ko tan ipapapasen da a walay sinalitak ed sikara diad panamegley na saray kogip da.

Jeremias 23:25 Iomraidhean Croise

Genesis 37:5

Aminsan a labi nankogip si Jose, et tinongtong to ya ed saray agagi to.

Genesis 37:9

Insan nankogip lamet si Jose tan inkuantod saray agagi to, “Nankogip ak lamet. Anengneng koy agew, bulan, tan labinsakey a bitewen a tinmuek irad siak.”

Saray Salmo 139:2

Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Saray Salmo 139:4

Angan kasakbayay pansalitak amtam la no antoy ibagak.

Jeremias 13:27

Anengneng kayo na Katawan ed panggagawa na saray bengatlan kabosul to. Anengneng to kayon tinmotombuk ed saray paganon diriyos diad saray kapokdulan tan saray kaalogan, singa kayo lakin mantitiyam na asawa na kaabay to, odino singa kayo kabayon kalakyan a mangoosil na kabatyan. Totood Jerusalem, pakaskasiy kipapasen yo! Kapigan kasiy pagmaliw yon malinis?

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Jeremias 16:17

Nanenengneng koy amin a gagawaen da. Anggapoy antokaman ya akaamut ed siak; ag makapaliis ed pakanengneng ko iray kasalanan da.

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Jeremias 27:10

Papalikdoen da kayo tan sikaray makasengeg na kibantak yod pasen ya arawid bansa yo. Pataynanen ta kayo tan naderal kayo.

Jeremias 27:15

Say dilin Katawan so angibaga ya ag to ra imbaki tan diad ngaran to titilaan da kayo. Kanyan sirin, pataynanen to kayo tan napatey kayo, sikayo tan saray propitan mantitilad sikayo.”

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Jeremias 29:8

Siak, say Katawan a Dios na Israel, papasakbayan ta kayon ag kayo papapalikdo ed saray propitan kaiba yod tan, odino saray arum ya ipapasen day sikaran dili a nayarian dan ibagay nagawa ed arapen a panaon. Ag yo aasikasoen iray kogkogip da.

Jeremias 8:6

Tinmalineng ak a maung, balet aliwan katwaan iray sinalita yo. Anggapoy anggan sakey ed sikayon maermen ed kaogsan to; anggapoy anggan tinmepet, ‘Antoy ginawak a kaogsan?’ Balang sakey itutuloy toy dilin kabibilay to, singa sakey a kabayon maples ya ombabatik ya onlad bakal.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Ezekiel 22:28

Sasakuban na saray propita ira yan kasalanan a singa ra totoon managtapal na dena ed padir. Tila ray nanenengneng dan pasingayew tan aliwan tua ray ipapasakbay dan nagawa. Ibabaga ran ibabawag day salita na Katawan a Dios, balet siak a Katawan ag ak akisalitad sikara.

Joel 2:28

“Kayari to yan nagawa ibung kod balang sakey a too so ispirituk: ibawag na saray anak yon lalaki tan bibii so balitak; nawalaan na saray kogip iray mamatakken yon lalaki, tan makanengneng na pasingayew iray tobun-balo yo.

Zacarias 13:3

No ipasoot na siopaman so mampropisiya, say dilin ama tan ina to so mangibagad sikaton sikatoy nepeg a pateyen, lapud ipapasen ton sasalitaen toy salitay Katawan, balet ta mantitila. No mampropisiya say dilin ama tan ina to so manaksak ed sikato ya anggad ag to ipatey.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Mateo 1:20

Balet nen nununoten to ya, pinmayawar so sakey ya anghil na Katawan ed kugip to a nankuan: “Jose, a kabyangay boleg nen David, ag ka natatakot ya ituloy mon ikasal si Maria, ta nanlapud pakayari na Ispiritu Santo so lokun to.

Lucas 12:3

Antokamay imbaga yod ambilonget, narengel ed maliwawa; tan antokamay inyesaes yod saray totoon walad akakaput a kuarto, nibando manlapud toktok na kaabungan.”

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.