Jeremias 23:22 - Maung A Balita Biblia

²² No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

Maung a Balita Biblia

²² No akabatan da ray niamut a kanununotan ko, ayarian da komun ya impulong so salitak ed saray totook tan atanggoyur da ran mangibeneg ed saray maoges a panagbilay da tan saray maoges a gagawaen da.

Jeremias 23:22 Iomraidhean Croise

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 23:18

Inkuanko balet, “Anggapod sarayan propita so akapikabat ed niamut a kanunotan na Katawan. Anggapod sikaray akadngel odino akatalus ed salita to odino dinmengel o angasikaso ed imbaga na Katawan.

Jeremias 25:5

Imbabaga rad sikayo a benegan yo ray maoges a panagbilay yo tan kaindanan yo ray maoges a gagawaen yo, pian nayarian yoy manayam ya ando lan ando ed dalin ya inter na Katawan ed sikayo tan saray lalaki yo.

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 36:3

Angangko no narengel na saray totood Juda iray amin a deral a getmak ya iyakar ed sikara, ikaindan day maoges a kabibilay da. Pirdonaen kod satan iray kaogsan tan saray kasalanan da.”

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Ezekiel 13:5

Ag da guaguardiaan iray pasen ya ageba ray padir, odino papasimbaloen ya ipaalagey iray padir, kanyan ag niagel so Israel no onsabiy bakal no agew na Katawan.

Ezekiel 18:30

“Siak, a Katawan a Dios, ibabagak ed sikayo ya Israelita a sintinsiaan koy balang sakey ed sikayo onung na ginawa to. Magbabawi kayo lad saray maoges a gagawaen yo tan ag yo aabuloyan a deralen kayo na kasalanan yo.

Ezekiel 2:7

Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Zacarias 1:4

Ag yo aaligen iray lalaki yo. Nen saman saray propita sinalita ra so impaikuankod saray totoo a magbabawi rad saray kaogsan da. Balet ag ira dinmengel odino inmonur ed siak.

Malakias 2:6

Imbabangat day onung ed katonungan, ya aliwan say kapikewetan. Nambilay iran makapaliket ed siak; ag da labat ginawa so katonungan, no ag ta tinutulongan da ni ingen iray arum a totoo ed itonda rad panggaway kaogsan.

Saray Gawgawa 20:27

Ta imbagak ed sikayoy amin a linaway Dios.

1 TESALONICA 5:6

Kanyan nakaukolan ya ag itayo nanaogip a singa saray arum; nepeg a sipaparaan tayo tan nakaukolan a lawas malinew so kanunotan tayo.