Jeremias 23:17 - Maung A Balita Biblia

¹⁷ Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Maung a Balita Biblia

¹⁷ Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.

Jeremias 23:17 Iomraidhean Croise

2 Samuel 12:10

Natan sirin diad balang kailalakan, pigaran kabyangay boleg mo so napatey diad panamegley na ispada, lapud ag mo ak inonur tan inasawam so asawa nen Urias.

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Isaias 57:21

Anggapoy kareenan da ray makasalanan,” kuay Katawan.

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Jeremias 18:12

Say iyebat da, ‘Andi! Akin ey? Paaweten mi so puso mi tan gawaen miy maoges onung na kaliktan mi!’”

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Jeremias 3:17

No nasabiy tan a panaon, natawag so Jerusalem a ‘Say Trono na Katawan,’ tan amin a bansa mantitipon irad man a mangigalang ed siak. Ag da la gawaen so ibagad sikara na anawet tan maoges a puso ra.

Jeremias 4:10

Insan inkuanko, “Katawan a Dios sigput mon pinalikdo ray totood Jerusalem! Imbagam a kareenan so niwalad saray totoo, anta manaya akatotub ed sikaray ispada.”

Jeremias 5:12

Imbori na saray Israelita so Katawan. Inkuanda, “Anggapo lamlamang so gawaen to. Anggapoy kairapan ya onsabid sikatayo; ag itayo nadalan na bakal odino eras.”

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Jeremias 7:24

Balet ag ira inmonur odino dinmengel. Ingen inonur day imbaga na anawet tan maoges a puso ra, kanyan onmaung ira komun, linmoor lalaingen so kaogsan da.

Jeremias 8:11

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Jeremias 9:14

Anawet so olo ra, kanyan inonur day labay dan dili. Inggalang da ray talintao nen Baal onung na imbangat na saray lalaki ra a gawaen da.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Ezekiel 13:10

“Papalikdoen na saray propita iray totook diad pangibabaga ran maung ya amin so pansumpalan. Balet petepeteg ya aliwan maung so pansumpalan! Aliwan malet a padir so impaalagey na saray totook, insan sinmabi ray propita tan tinapalan da na dena.

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Amos 9:10

Napatey ed bakal iray makasalanan a totook—amin da ray mangibabagay, ‘Ag iyabuloy na Dios a napasakitan itayo.’”

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Sofonias 1:12

“Diad satan a panaon mangala ak na lamparaan, ta sokimaten koy Jerusalem. Dusaen ko ray totoon singa ag ompatepatey tan mataletalek a kuandad sikaran dili, ‘Ag manggawa na maung odino maoges so Katawan.’

Zacarias 10:2

Saray totoo et mangipapanon irad saray talintaoy diriyos tan diad saray pumaparles, balet tila tan andi-kakanaan iray nanaala ran ebat. Pigarad sikaray mangipapatalus na saray kogip, balet papalikdoen da kayo labat; andi-kakanaan iray iiter dan ligliwa. Kanyan mantawtawataw iray totoon singa ra abalang a karniro. Nagugunigon ira lapud anggapoy pangulo ra.

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Saray Bilang 11:20

no ag ingen diad loob na intiron sakey bulan. Mangan kayo na sawasawaan ya anggad natama kayo. Onyay nagawa lapud impolisay yo so Katawan a kaibiba yo tan nanriklamo kayod sikato a lablabay yo lan ag kayo komun tinmaynan a manlapud Egipto.’”

Lucas 10:16

Inkuantod saray disipulo to, “Siopamay ondengel ed sikayo, siak so dengelen to. Siopamay mangipolisay ed sikayo, siak so ipolisay to; tan say mangipolisay ed siak, say angibakid siak so ipolisay to.”

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.