Jeremias 23:16 - Maung A Balita Biblia

¹⁶ Say Katawan a Makapanyarin-amin kuantod saray totood Jerusalem, “Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Maung a Balita Biblia

¹⁶ Say Katawan a Makapanyarin-amin kuantod saray totood Jerusalem, Ag yo dedengelen so ibabaga na saray propita, ta iitdan da kayo labat na saray maapan ilalo. Ibabaga ra labat ed sikayo iray walad kanunotan da, aliwan saray imbagak.

Jeremias 23:16 Iomraidhean Croise

1 Saray Arari 22:11

Nanggawa na saray saklur a balatyang so sakey ed sarap propita a si Sedekias a lakin anak nen Canaana tan kuantod kinen Acab, “Onyay inkuan na Katawan: ‘Diad panamegley na saraya, labanan mo ray Siriano, et sigput a taloen mo ra.’”

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

2 Saray Awaran 18:5

Impantitipon sirin nen Acab iray propita, sakey ya apat a lasus ira, tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Dios.”

Probirbio 19:27

Anak ko, no tondaan moy manaral, nalingwanan mo la ray inaral mo.

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Jeremias 2:5

Say Katawan kuanto: “Antoy dalem na saray lalaki yo sumpad siak? Antoy makasengeg na impangikaindan dad siak? Inggagalang da ray andi-kakanaan a talintaoy diriyos, kanyan nagmaliw iran andi-kakanaan.

Jeremias 23:21

Say Katawan inkuanto, “Ag ko imbaki ira yan propita, balet linma ran siansia. Nampropisiya ra ed ngaran ko anggaman ya anggapoy sinalitak ed sikara.

Jeremias 23:26

Kapigan kasiy itonda na sarayan propita ed pamalikdo rad saray totook diad panamegley na dilin tila ra?

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Jeremias 29:8

Siak, say Katawan a Dios na Israel, papasakbayan ta kayon ag kayo papapalikdo ed saray propitan kaiba yod tan, odino saray arum ya ipapasen day sikaran dili a nayarian dan ibagay nagawa ed arapen a panaon. Ag yo aasikasoen iray kogkogip da.

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Saray Tagleey 2:9

Atabun-tabunan la na saray deral-deral iray puirta tan apoter-poter iray tarangka ra. Nibantak ed arum a bansa so ari tan saray prinsipi. Ag la nibabangat so Ganggan, tan anggapo lay nanaawat na saray propita a pasingayew a manlalapud Katawan.

Ezekiel 13:16

salanti saray propita ya angipasiguro ed Jerusalem a maung ya amin so pansumpalan, anta andi!” Say Katawan a Dios so nansalita.

Ezekiel 13:23

Kanyan natan nansamput la ray tilan pasingayew yo tan saray managpalikdon propisiya yo. Eekalen kod pakayari yo iray totook, pian naamtaan yo a siak so Katawan.”

Ezekiel 13:3

Sikato ya so ibabaga na Katawan a Dios: “Pakaskasiy kipapasen da ra yan makulang-kulang a propita! Say dili ran kalakal so oonuren da tan manggagawa ra labat na dilin pasingayew da.

Ezekiel 13:6

Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.

Ezekiel 22:28

Sasakuban na saray propita ira yan kasalanan a singa ra totoon managtapal na dena ed padir. Tila ray nanenengneng dan pasingayew tan aliwan tua ray ipapasakbay dan nagawa. Ibabaga ran ibabawag day salita na Katawan a Dios, balet siak a Katawan ag ak akisalitad sikara.

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.