Jeremias 23:10 - Maung A Balita Biblia

¹⁰ Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Maung a Balita Biblia

¹⁰ Say dalin napno na saray totoon aliwan matoor ed Katawan; nambilay iran maoges tan andi-kakanaay impangikana rad pakayari ra. Lapud impangisamba na Katawan nagmaliw a maneermen so dalin tan amagaan iray pastolan.

Jeremias 23:10 Iomraidhean Croise

Esdras 10:18

Sikato yay listaan da ray lalakin taga arum a bansay kaasawaan da: Saray Papari a nilista ran onung ed boleg a nanlapwan da: Say boleg nen Josue tan saray agagi ton lalaki ya anak ira nen Josadac: Maasias, Eliezer, Jarib, tan Gedolias.

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Isaias 24:6

Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Isaias 5:18

Pakaskasi kayo la! Ag yo nayariay onlokpus ed saray kasalanan yo.

Jeremias 12:11

Ginawa ran andi-kakanaan so dalin ko; nagmaliw a begtebegtew ed imaton ko. Nagmaliw a kabueran so intiron bansak, tan anggapo lay malabay ed sayan dalin ko.

Jeremias 14:2

“Say Juda et walad kaermenan, ompapatey iray siudad to, mandokdokul ed dalin iray totoo to lapud kaermenan, tan onkekerew na tulong so Jerusalem.

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Jeremias 9:2

Wala komuy pasen a napanayaman kod kalawakan, pian niarawian ko ray totook. Aliwa ran matoor; olup iray traidor.

Oseas 7:4

Traidor tan aliwa ran matoor ya amin. Say petang na olo ra et singa ambalbalangan ngalab ed pogun ya ag ni ginalaw na panadiro ya anggad naluluto la so masa.

Joel 1:10

Anggapoy tanaman ed kaalogan; maermen so dalin lapud aderal-deral iray trigo, amagaan iray sengeg na ubas, tan nalnes iray kiew na oliba.

Levitico 5:1

Say bagat a para kasalanan et nakaukolan ed saray onggendan a kaso. No say sakey a too et tinawag na korti a mantasi et ag to ibaga so nipaakar ed anengneng odino nadngel to, nepeg a nadusa.

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

1 Timoteo 1:10

saray managgaway inmoralidad, saray lalakin miaakdul ed kapara ran lalaki, saray managalay ogaw, saray matitila, saray tasin tilay tatasian da tan saray manggagaway antokaman ya onsumlang ed tuan bangat.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.