Jeremias 22:8 - Maung A Balita Biblia

⁸ “Ag mabayag amayamay iray taga arum a bansa ya ondalan tan mantetepetan ira no akin et siak, say Katawan, ginawak so onya ed sayan matalonggaring a siudad.

Maung a Balita Biblia

⁸ Ag mabayag amayamay iray taga arum a bansa ya ondalan tan mantetepetan ira no akin et siak, say Katawan, ginawak so onya ed sayan matalonggaring a siudad.

Jeremias 22:8 Iomraidhean Croise

Jeremias 16:10

“No ibagam ed saray totoo ira yan bengatla, tepeten dad sika no akin et ginetmak lan dusaen ira a mapalalo. Tepeten da no antoy kaogsan da tan no antoy kasalanan da ed Katawan a Dios da.

Jeremias 40:2

Impaliis ak na samay panguloy sondalo tan inkuantod siak, “Impasakbay la na Katawan a Dios mo a deralen to yan dalin,

Jeremias 40:3

et natan sinumpal to yan impasakbay to. Onyay agawa lapud saray totoom et nankasalanan irad Katawan tan ag da inonur.

Saray Tagleey 4:12

Anggapoy siopaman ed anggan iner a pasen, anggan saray manoley ed saray arum a bansa, so anisian walay kalaban a makaloob ed saray puirta na Jerusalem.

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Ezekiel 14:23

naamtaan mod satan a walay maung a makasengeg na panggagawak ed antokaman.” Say Katawan a Dios so nansalita.

Ezekiel 39:23

Nakabatan na saray bansa a saray Israelita et nibantak irad arum a bansa, lapud saray kasalanan dad siak. Inkaindan ko ra tan inabuloyan kon taloen tan pateyen ira ed bakal na saray kalaban da.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Daniel 9:7

O Katawan, matonung lawas so gagawaen mo, balet impelag miy sikamin dili ed kababaingan. Tua ya ed amin min manaayam ed Juda tan diad Jerusalem; tua met ya ed amin da ray Israelitan inkakayat mod saray bansan walad arawi odino asingger lapud aliwa ran matoor ed sika.