Jeremias 22:28 - Maung A Balita Biblia

²⁸ Inkuanko, “Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Maung a Balita Biblia

²⁸ Inkuanko, Nagmaliw ta lan singa nabtag a banga si Joakin, nibantak tan anggapo lay malabay? Sikato tan so makasengeg no akin et sikato tan saray anak to et nibantak irad dalin ya ag dan balut amta?

Jeremias 22:28 Iomraidhean Croise

2 Samuel 5:21

Tinaynan diman na saray Filisteo iray talintaoy diriyos da, et inaala ra nen David tan saray totoo to.

2 Saray Awaran 21:20

Talomplo tan duay taon nen Jehoram nen nagmaliw ya ari tan nanoley ed Jerusalem na waloy taon. Anggapoy nanermen nen inatey. Impompon dad Siudad nen David, balet aliwan diad kamposanto da ray arari.

Saray Salmo 31:12

Singa ak inatey ya alingwanan la na amin a totoo; singa ak sakey a bengatlan imbantak la.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 16:12

Balet mapalalo nin maoges so ginawa yo nen saray lalaki yo. Amin yo et anawet so puso yo tan maoges kayo, tan ag kayo ontoluk ed siak.

Jeremias 17:4

Napasoot kayon mangikban na dalin ya inter kod sikayo. Pagmaliwen ta kayon aripen na saray kalaban yo diad dalin ya ag yo kabat, lapud say pasnuk ko et singa apoy, tan ondalang ya anggad angga.”

Jeremias 22:27

Pampilalekan yon nanengneng lamet yan bansa, balet ag ki lan balut makapawil.”

Jeremias 22:30

“Sayan laki et asintinsiaan lan nabalang to ray anak to, sakey a lakin ag balut onaligwas. Anggapo ray kabyangay boleg ton manoley ed Juda a kasalat nen David. Siak, say Katawan, so nansalita.”

Jeremias 24:1

Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.

Jeremias 37:1

Si Ari Nabucodonosor na Babilonia insalat tod kinen Joakin a lakin anak nen Joakim so lakin anak nen Josias a si Sedekias a manari ed dalin na Juda.

Jeremias 48:38

Diad amin a toktok na abung ed Moab tan diad amin a plasa to, akis na kaermenan labat so narerengel lapud binetag kon singa pasig so Moab kanyan anggapo lay malabay.

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Oseas 8:8

Nagmaliw a singa arum a bansa so Israel tan anggapoy kana ton singa nabtag a banga.