Jeremias 22:22 - Maung A Balita Biblia

²² Isiplug na dagem iray pangulo yo, nadakep a prisod bakal iray kagampi yo, napelag ed kababaingan so siudad yo tan nabaingan, lapud saray amin a maoges a ginagawa yo.

Maung a Balita Biblia

²² Isiplug na dagem iray pangulo yo, nadakep a prisod bakal iray kagampi yo, napelag ed kababaingan so siudad yo tan nabaingan, lapud saray amin a maoges a ginagawa yo.

Jeremias 22:22 Iomraidhean Croise

Isaias 64:6

Nankasalanan kamin amin; marotarotak a tuloy so anggan say sankaabigan lan gagawaen mi. Lapud saray kasalanan mi singa kami saray amagaan a bolung ya intitikyab na dagem.

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.

Jeremias 10:21

Inmebat ak, “Anggapoy kalakal iray pangulo mi; ag ira papaiwanwan ed Katawan. Sikato yay makasengeg no akin et aliwa ran maaligwas, tan nikaykayat iray totoo tayo.

Jeremias 12:10

Saray amayamay a manoley a taga arum a bansa et dineral da so kaubasan ko; ginagatinan da ray kaalogan ko; ginawa ran kabueran so marakerakep a dalin ko.

Jeremias 2:36

Nileglemew moy sikan dili diad insingger mod saray diriyos na arum a bansa. Dismayaen ka na Egipto a singa impanismayad sika na Asiria.

Jeremias 2:37

Ibeneg mon ibatikan so Egipto, tan diad kababaingan mo sakuban moy lupam. Siak, say Katawan, impolisay ko ray panmamatalkan mo; anggapoy nagunggonam ed sikara.”

Jeremias 2:8

Ag tinepet na saray papari, ‘Kawa-laan na Katawan?’ Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.”

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Jeremias 30:14

Alingwanan kayo la na amin da ray kainarowan mo; ag da ki la labay. Dinogpaan ta kayon singa sakey a kalaban; mapalaloy inkadusa yo, lapud amayamay so kasalanan yo tan mapalaloy kaogsan yo.

Jeremias 4:30

Jerusalem, pangaskasiyan ka! Akin et akakawes kay ambalbalanga? Akin et manaalahas ka tan akapinta na pampaganggana iray matam? Andi-kakanaan lay pampapagangganam! Impolisay ka la na saray kainarowan mo tan labay da kan pateyen.

Jeremias 5:13

Imbaga ra ya andi-kakanaan iray propita tan anggapoy papaibaga na Katawan ed sikara. Say Katawan a Dios a Makapanyarin-amin inkuantod siak, “Jeremias, lapud imbaga da ra yan bengatla, gawaen kon singa apoy ed sangim iray salitak. Magmaliw a singa kiew ira yan totoo, tan poolan ira na apoy.”

Jeremias 7:19

Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Oseas 12:1

Andi-kakanaan tan makaderal ya amin iray gagawaen da ray totood Israel manlapud kabwasan ya anggad labi. Mandakel so gagawaen dan panamalikdo tan panagduksa. Mipapaknaan irad Asiria tan mininigosio ra ed Egipto.”

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Oseas 4:19

Nibantak ira naani ed arum a bansa, a singa ra intikyab na mabiskeg a dagem tan ombaing ira lapud saray paganon bagat da.

Zacarias 11:17

Pakaskasiy kipapasen na satan ya andi-kakanaan a pumapastol! Inkaindan to ray karniro to. Sigput a deralen na bakal so pakayari to. Naparalisis so taklay to, tan nabulag so kawanan a mata to.”

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.