Jeremias 22:21 - Maung A Balita Biblia

²¹ Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Maung a Balita Biblia

²¹ Nansalita so Katawan ed sikayo nen maaligwas so kipapasen yo, balet ag kayo dinmengel. Onya so ginawa yo nanlapu la nen wala ki nid kalangweran; ag kayon balut ononur ed Katawan.

Jeremias 22:21 Iomraidhean Croise

2 Saray Awaran 33:10

Anggaman a pinasakbayan na Katawan si Manases tan saray totoo to, siansian ag da dinengel.

Saray Salmo 129:1

Ibagam pad sikami, Israel, so ontan lan impamairap ed sika na saray kalaban mo, nanlapu lad impanogaw mo!

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Jeremias 19:15

a say Katawan a Makapanyarin-amin a Dios na Israel et inkuanto, “Iyakar ko lad sayan siudad tan diad amin a kaliber-liber to ran baley iray amin a dusan imbagak a gawaen ko, lapud anawet so puso yo tan ag kayo ondengel ed ibabagak.”

Jeremias 2:25

Israel, ag mo la paniirapen so salim odino pamamagaan so kolokolong mo diad iyosil mod saray diriyos. Balet kuanmo, ‘Andi! Ag ko la nababawi. Inarok iray diriyos na saray arum a bansa tan sikaray tombuken ko.’”

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 25:3

“Diad loob na duamplo tan taloy taon, nanlapu lad kumalabintalon taon na panaarid Juda nen Josias a lakin anak nen Amon ya anggad natan, nansasalitad siak so Katawan tan intutuloy kon imbagad sikayo so sinalita to. Balet ag yo inasasikaso.

Jeremias 25:4

Ag kayo dinmengel odino angasikaso, anggaman ya intutuloy na Katawan so mangibaki na saray aripen ton propita.

Jeremias 25:7

Balet say Katawan a dili imbaga to a sikatoy ag yo dinengel. Ingen impanpasnuk yo diad panamegley na saray talintaoy diriyos yo, kanyan sikayon dili so nanlapwan na sayan panudusa tod sikayo.

Jeremias 25:8

“Kanyan sirin, lapud ag kayo dinmengel ed sikato, say Katawan a Makapanyarin-amin, kuanto,

Jeremias 3:24

Balet lapud impangigalang mid Baal a dios na kababaingan, abalang mi ray amin a bengatlan nanlingetan na saray lalaki mi nanlapu lad impanogaw mi—saray anak mi, saray karniro mi tan saray arum ya ayayep mi.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 32:30

Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.

Jeremias 35:15

Intutuloy koy mangibakid sikayo na amin da ray aripen a propita, tan imbaga rad sikayo a tondaan yo lay maoges a panagbilay yo tan manggawa ki lay kamaungan. Pinasakbayan da kayon ag mangigalang tan ag manlingkur ed saray arum a diriyos pian nayarian yoy mansiansian manayam ed dalin ya inter kod sikayo tan saray lalaki yo. Balet ag kayo dinmengel odino angasasikasod siak.

Jeremias 48:11

Say Katawan inkuanto, “Arawi lawas ed kaatapan so Moab, tan ag balut nibantak ed arum a bansa. Say Moab et singa alak ya ag nagagalaw ed akapanginan tan ag balut nibabales-bales ed nandodoman pasig. Ag balut aderal so taway to tan ag naomay samit na taway to.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:21

“Balet sinumlang ak met na saman a kailalakan. Sinumpa da ray bilin ko tan ag da inonur iray ganggan ko a mangiter na bilay ed saray mangonur. Ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Sofonias 3:2

Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Zacarias 7:7

Sikato yay imbaga na saray inmonan propita sanen maaligwas so Jerusalem tan sikatoy napno na saray totoo tan sanen amayamay iray totoo a manaayam ed saray baley a kaliber-liber na siudad tan diad bandad abalaten tan diad alusadsar na kapokdulan ed bandad sagur.

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Deuteronomio 9:24

Nanlapu lad samay impikabat kod sikayo, susumlangen yo lay Katawan.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.