Jeremias 22:15 - Maung A Balita Biblia

¹⁵ Magmaliw ka sirin a maung ya ari lapud tablan sidro iray inkanam ed abung mo tan marakep ni nen saray arum? Nagnap a bilay so nanliketan nen amam. Maptek tan matonung lawas so impanbilay to, kanyan inmaligwas ed amin a ginagawa to.

Maung a Balita Biblia

¹⁵ Magmaliw ka sirin a maung ya ari lapud tablan sidro iray inkanam ed abung mo tan marakep ni nen saray arum? Nagnap a bilay so nanliketan nen amam. Maptek tan matonung lawas so impanbilay to, kanyan inmaligwas ed amin a ginagawa to.

Jeremias 22:15 Iomraidhean Croise

2 Samuel 8:15

Nanoley si David ed intiron Israel; maptek tan anggapoy nilabi so impanoley tod saray totoo.

1 Saray Arari 10:9

Nadayew komun so Katawan a Dios mo! Diad impakaliket tod sika, ginawa to kan ari na Israel. Lapud andiangga so panangaro tod Israel, impagmaliw to kan ari ra pian napansiansiam so kaptekan tan katonungan.”

2 Saray Arari 22:2

Ginawa nen Josias so makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

2 Saray Arari 23:25

Diad saray ararin akaona tan tinmombuk ed sikato, anggapoy miparad sikato a nanlingkur ed Katawan diad intiron puso, kanunotan, tan biskeg to; inonur ton amin iray Ganggan nen Moises.

1 Saray Awaran 3:15

Apatiray lalakin anak nen Josias a di Johanan, Joakim, Sedekias, tan Sallum.

2 Saray Awaran 34:2

Ginagawa toy makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

2 Saray Awaran 35:22

Balet ag sinmener si Josias. Ag to dinengel so ibabaga na Dios diad panamegley nen Ari Neco, kanyan ag nampabirbir a linman akibakal ed patar na Megido.

2 Saray Awaran 35:26

Saray arum a ginagawa nen Ari Josias, say panangaro tod Katawan, say panangonur tod Ganggan,

Probirbio 20:28

Mansiansian walad pakaoley so ari legan a say oley to et maptek, matonung, tan malinis.

Probirbio 21:3

Say panggawa na kaptekan tan katonungan et makapaliket ed Katawan nen say pangisaklang na saray bagat ed sikato.

Probirbio 25:5

Ekal mod ari iray maoges a sumisimbawa, et naamtaan so oley lapud inkatonung.

Probirbio 29:4

Mabiskeg so bansa no say inkatonung so ipakurang na ari, balet no say kuarta labat so kawalaay pilalek to, deralen toy bansa to.

Probirbio 31:9

Isalitaan mo ra tan pagmaliw mon matonung so panintinsiam. Iyagel mo ray kanepegan da ray mairap-bilay tan saray walad pankaukolan.”

Ecclesiastes 10:17

Balet maung so kipapasen na sakey a bansa no say manoley to et gawaen toy dilin labay to, tan makanepegan a mampista iray pangulo to, napokpokan day sikaran dili kanyan ag ira nabuwek.

Ecclesiastes 2:24

Say sankaabigan a gawaen na sakey a too et say pangan, iyinom, tan say panliket tod saray nansagputan to. Balet abirbir ko met ya anggan saya et nanlapud Dios.

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Jeremias 22:18

Kanyan sirin, say Katawan kuanto nipaakar ed lakin anak nen Josias a si Joakim ya ari na Juda, “Anggapoy manermen ed ipatey to, odino mangikuan, ‘Agayla agik! Agayla! O pinablik ya ari!’ Anggapoy onakis ed sikato, odino oneyag, ‘Katawan ko! O kagalang kon arik!’

Jeremias 22:3

“Siak, say Katawan, igaganggan kod sikayo a manggawa kayoy kaptekan tan katonungan. Iyagel yoy toon nasasaol ed lima na manasaol ed sikato. Ag yo panggagawaay makapoy o papairapen iray sangkaili, saray olila, odino saray balon bibii; ag yo papateyen ed sayan masanton pasen iray totoon anggapoy kasalanan.

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Jeremias 42:6

Maung may maoges so kipaakaran to, onuren miy Katawan a Dios tayo a kekerewen min pangipikasian yod sikami. No ontoluk kamid sikato, maung ya amin so pansumpalan mi.”

Jeremias 7:5

“Pasimbalo yoy panagbilay yo tan tondaan yo ray gagawaen yo. Matonung komuy panoolup na sakey tan sakey ed sikayo.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”