Jeremias 21:9 - Maung A Balita Biblia

⁹ Siopamay manayam ed dalem na siudad ompatey ed bakal, eras, odino salot. Balet siopamay ompaway tan onsukod saray taga Babilonia, ya ondodogpa ra natan ed siudad et ag ompatey. Say bilay da labat so nayarian dan iyagel.

Maung a Balita Biblia

⁹ Siopamay manayam ed dalem na siudad ompatey ed bakal, eras, odino salot. Balet siopamay ompaway tan onsukod saray taga Babilonia, ya ondodogpa ra natan ed siudad et ag ompatey. Say bilay da labat so nayarian dan iyagel.

Jeremias 21:9 Iomraidhean Croise

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Jeremias 27:11

Balet no onsuko so sakey a bansa ed ari na Babilonia tan panlingkuran to, abuloyan kod satan a manayam ed dilin dalin to, dalusan to, tan panayaman to. Siak, say Katawan, so nansalita.”

Jeremias 27:12

Onya met so inkuankod kinen Ari Sedekias na Juda, “Paoleyan kad ari na Babilonia. Manlingkur kad sikato tan saray totoo to, et mambilay ka.

Jeremias 27:13

Akin et ompatey kayod bakal, o diad salot? Sikato yay imbaga na Katawan a nagawa ed dinan man a bansan ag paoleyan ed ari na Babilonia.

Jeremias 38:2

a say Katawan inkuanto, “Ompatey ed bakal, odino eras, odino salot so siopaman a manayam ed dalem na siudad. Balet ag napatey so siopaman ya ompaway ed siudad ta onsukod saray taga Babilonia; nipaliis ed patey tan mambilay.”

Jeremias 38:3

Imbabagak met a say Katawan inkuanto, “Iter ko yan siudad ed saray sondalon taga Babilonia, tan nadakep da.”

Jeremias 39:18

Iyarawi ta kad kaatapan, tan ag ka napatey. Nipaliis kad patey lapud nanmatalek kad siak. Siak, say Katawan, so nansalita.”

Jeremias 45:5

Aanapen moy nidoman bengatlan para sikan dili? Ag mo la itutuloy, ta deralen koy amin a katoowan; anggaman ontan, nipaliis kad patey anggan iner so laen mo. Siak, say Katawan, so nansalita.”

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.