Jeremias 21:6 - Maung A Balita Biblia

⁶ Pateyen ko so balang sakey a manaayam ed sayan siudad; ompatey ed makapataktakot a salot iray amin a totoo tan ayayep.

Maung a Balita Biblia

⁶ Pateyen ko so balang sakey a manaayam ed sayan siudad; ompatey ed makapataktakot a salot iray amin a totoo tan ayayep.

Jeremias 21:6 Iomraidhean Croise

Genesis 6:7

inkuanto, “Paandipaten kod tapew na dalin ira yan totoo a pinalsak, saray ayayep, tan saray manok, ta maermen ak ed impamalsak ed sikara.”

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 16:4

Ompatey irad ambelat a sakit. Anggapoy manermen ed ipatey da, tan ag ira nipompon. Magmaliw a singa taiy ayep ya abunton ed dalin iray bangkay da. Napatey irad bakal, odino ompatey irad eras, tan buagen na saray manok tan saray ayayep ed katakelan iray bangkay da.

Jeremias 20:4

Ta say Katawan inkuanto, ‘Gawaen ta kan makapataktakot ed sikan dili tan diad saray kakaarom, tan nanengneng mo ran amin a pateyen ed ispada na saray kalaban da. Ipasilong kod pakayari na ari na Babilonia iray amin a totood Juda. Pateyen to ray arum ed sikara tan saray arum awiten to ran adakep ed Babilonia.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 33:12

Inkuan na Katawan a Makapanyarin-amin, “Diad sayan dalin a singa kalawakan ya anggapoy too o ayep a manaayam, nawalaan lamet na saray pastolan a napanyakaran na saray pumapastol na saray karniro ra.

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Jeremias 36:29

Imbaga na Katawan ed siak ya ikuankod kinen Ari Joakim yan salita to, “Pinoolan mo may babasaen, tan tinepet mod kinen Jeremias no akin et insulat ton onsabi so ari na Babilonia a manderal ed sayan dalin, tan pateyen to ray totoo tan saray ayayep dia.

Jeremias 42:22

Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Ezekiel 14:13

“Sika a toon ompatey,” kuanto, “no mankasalanan so sakey a bansa tan magmaliw ya aliwan matoor ed siak, dusaen ko tan deralen koy panlalapwan na tagano na saray totoo to. Mangipadalan ak na eras ed satan a bansa tan pateyen ko ray totoo tan saray ayayep to.

Ezekiel 14:17

“Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Ezekiel 14:19

“No mangipadalan ak na salot ed saman a bansa tan diad pasnuk ko mamatey ak na amayamay a totoo tan ayayep,

Ezekiel 14:21

Sikato ya so ibabaga na Katawan a Dios: “Mangipadalan ak na mapalalon dusa ed Jerusalem—bakal, eras, ayayep ed katakelan, tan salot—a maneral ed saray totoo tan saray ayayep.

Ezekiel 33:27

“Ibagam ed sikara a siak a Katawan a Dios papasakbayan ko ra a legan a mabilay ak andi-duaruwan ompatey iray totoon manaayam ed saray aderal-deral a siudad. Kanen na saray ayayep ed katakelan iray manaayam ed saray bario. Ompatey ed salot iray manaamut ed saray kapalandeyan tan diad saray ongib.

Ezekiel 33:29

No dusaen ko ray totoo lapud saray kasalanan da tan pagmaliwen kon andi-kakanaan so dalin da, naamtaan dad satan a siak so Katawan.”

Ezekiel 7:15

Peles lay laban ed saray dalan, tan wala lay salot tan eras ed kaabungan. Ompatey ed laban so siopaman a walad kaalogan; ompatey ed sakit tan eras so siopaman a walad siudad.

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Sofonias 1:3

amin a totoo tan amin ya ayayep, amin a manok tan amin a sira. Iyakar koy pakapelag da ray totoon maoges. Deralen koy amin a katoowan, et anggapon balut so nakeraan a mabilay. Siak, say Katawan, so nansalita.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”