Jeremias 21:5 - Maung A Balita Biblia

⁵ Siak a dili so onlaban ed sikayo diad intiron biskeg ko, pasnuk ko, petang na olok, tan sanuk ko.

Maung a Balita Biblia

⁵ Siak a dili so onlaban ed sikayo diad intiron biskeg ko, pasnuk ko, petang na olok, tan sanuk ko.

Jeremias 21:5 Iomraidhean Croise

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 9:15

Anggapo kayo la komun ya amin natan, no pinadalan koy salot ed sika tan saray totoom.

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 63:10

balet sinumpa ra tan pinaermen da so masanton ispiritu to. Kanyan nagmaliw a kalaban da so Katawan tan nilabanan to ra.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 37:10

Anggaman a natalom ya amin iray sondalo na Babilonia, ta pian saray nakeraan labat ed sikara et saray sugatan a mandokdokul ed dalem na saray tulda ra, sarayan totoo et looban da ni yan siudad, insan da poolan.”

Jeremias 6:12

Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Saray Tagleey 2:3

Lapud sanuk to dineral toy biskeg na Israel; Ag tinmulong nen sinmabi ray kalaban. Singa apoy a nampool; tinemek toy amin a bengatla.

Ezekiel 39:3

Kayari to ya, paspasen kon ipelag so bekang na pana ed kawigin lima to tan saray balay pana ed kawanan a lima to.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.