Jeremias 21:4 - Maung A Balita Biblia

⁴ ya ibaga rad kinen Sedekias a say Katawan a Dios na Israel kuanto, “Sedekias, taloen ko ray sondalom a pilalabanen mo sumpad ari na Babilonia tan saray sondalo to. Ibunton kod pegley na siudad iray armas yo.

Maung a Balita Biblia

⁴ ya ibaga rad kinen Sedekias a say Katawan a Dios na Israel kuanto, Sedekias, taloen ko ray sondalom a pilalabanen mo sumpad ari na Babilonia tan saray sondalo to. Ibunton kod pegley na siudad iray armas yo.

Jeremias 21:4 Iomraidhean Croise

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 13:4

Dengel yoy ingal ed kapalandeyan—say ingal da ray amayamay a totoo, say ingal da ray mantitipon a bansa tan nanarian. Ipaparaan na Katawan na saray Sondalo iray sondalo ton mibakal.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Jeremias 20:4

Ta say Katawan inkuanto, ‘Gawaen ta kan makapataktakot ed sikan dili tan diad saray kakaarom, tan nanengneng mo ran amin a pateyen ed ispada na saray kalaban da. Ipasilong kod pakayari na ari na Babilonia iray amin a totood Juda. Pateyen to ray arum ed sikara tan saray arum awiten to ran adakep ed Babilonia.

Jeremias 21:3

Insan akisalitay Katawan ed siak, tan imbagak ed saramay totoon nibakid siak

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 32:3

Impriso ak diman nen Ari Sedekias tan inakusa to ak ya imbawag kon say Katawan kuanto, “Ipadakep ko yan siudad ed ari na Babilonia,

Jeremias 32:5

Niakar ed Babilonia si Sedekias, tan manayam diman ya anggad arapen kon tulongan. Anggano mibakal ed saray tagan Babilonia, ag manalo. Siak, say Katawan, so nansalita.”

Jeremias 33:5

Onlaban iray pigara ed saray taga Babilonia a mampanod sayan siudad na saray bangkay da ray kabilen ko lapud pasnuk tan sanuk ko. Inmarawi ak ed sayan siudad lapud saray maoges a bengatlan ginagawa na saray totoo to.

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Jeremias 39:3

Nen adakep so Jerusalem, amin da ray atagey ya opisyal na ari na Babilonia dinmago ra tan angopisina rad Puirta na Pegley, a pati di Nergal Sarezer, Samgar Nebo, Sarsekim, tan sananey nin Nergal Sarezer.)

Jeremias 52:18

Inala da met iray pala, saray pananginay dapul, saray panagpotut na pabilo, saray yaung a panagsaluray dala na saray bagat, saray yaung ya ikakanad panagpool na insinso, tan amin nin gansan kagawaan ya ikakana ed panaglingkur ed Timplo.

Saray Tagleey 2:3

Lapud sanuk to dineral toy biskeg na Israel; Ag tinmulong nen sinmabi ray kalaban. Singa apoy a nampool; tinemek toy amin a bengatla.

Saray Tagleey 2:5

Nagmaliw a singa sakey a kalaban so Katawan, dineral toy Israel; Dinederal to ray tirinsira tan saray palasio na Israel. Angiter na ag manganggan kaermenan ed saray totood Juda.

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Ezekiel 39:3

Kayari to ya, paspasen kon ipelag so bekang na pana ed kawigin lima to tan saray balay pana ed kawanan a lima to.

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.