Jeremias 21:2 - Maung A Balita Biblia

² “Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.”

Maung a Balita Biblia

² Isalitaan mo kami pa ed Katawan, ta babakalen kami nen Ari Nabucodonosor na Babilonia. Angangko manggawa para sikatayo na sakey ed saray milagro to, tan pasooten ton paseneren si Nabucodonosor.

Jeremias 21:2 Iomraidhean Croise

Genesis 10:10

Diad gapo sakop na nanarian to so Babilonia, Erec, tan Acad, a wala ran amin ed dalin na Babilonia.

2 Saray Arari 1:3

Balet ingganggan na sakey ya anghil na Katawan si Elias, say propitan taga Tisbe, ya onla ta abeten to ra may imbaki nen Ari Ahazias tan tepeten tod sikara, “Anggapo ta lay Dios na Israel, et onla kayon mangipanon ed Baalzebub a dios na Ekron?

2 Saray Arari 17:24

Say impirador na Asiria angawit na saray totoon taga saray siudad na Babilonia, Cuta, Ava, Hamat, tan Sefarvaim, insan impanayam to rad saray siudad na Samaria. Sikaray kasalat na saray Israelitan niakar ed Asiria. Kinayaryan da ra yan siudad tan diman ira nanayam.

2 Saray Awaran 32:21

Say Katawan angibaki na sakey ya anghil ya amatey ed saray masesebeg a sondalo tan saray opisyal na saray sondalo na Asiria. Naplag ed kababaingan a pinmawil ed Asiria so impirador. Aminsan ya agew nen sikatoy walad timplo na dios to, pinatey na pigaran anak ton lalaki diad panamegley na ispada.

Exodo 9:28

Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.”

Isaias 48:2

Anggaman ontan ikikinon yon ibaga a mibabaley kayod masanton siudad tan manmamatalek kayod Dios na Israel, a say ngaran to et Yahweh a Makapanyarin-amin.

Jeremias 15:11

Katawan, ontua komun ya amin iray samba ra no ag ta ka nanlingkuran a maung, no ag ko ra impikasid sika nen walay gunigon tan segsegang da. (

Jeremias 21:3

Insan akisalitay Katawan ed siak, tan imbagak ed saramay totoon nibakid siak

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 34:1

Akisalitad siak so Katawan nen si Ari Nabucodonosor na Babilonia tan saray sondalo to, a tutulongan iray arum a sondalon taga ra arum a bansa a wala rad silong na pakaoley to, et dodogpaan day Jerusalem tan saray kakaabay ton baley.

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Jeremias 37:3

Si Ari Sedekias imbaki tod siak si Jucal a lakin anak nen Selemias tan say pari a si Sofonias a lakin anak nen Maasias, ta kerewen dan ipikasik ed Katawan a Dios tayo so bansa.

Jeremias 37:7

“Onsasabin ontulong ed sika ray sondalon Egipsio, balet ompawil irad Egipto.

Ezekiel 7:26

Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Saray Huis 20:27

Diad saraman ya agew wadman ed Betel imay Kaban na Sipanan na Dios, tan si Finees a lakin anak nen Eleazar tan apo nen Aaron so makaoley ed samay Kaban. Tinepet na saray totoo ed Katawan, “Onla kami lamet a mibakal ed saray agagi min Benjaminita, odino ontonda kami la?” Inmebat so Katawan, “Mibakal kayo, et nabwas panaloen ta kayod sikara.”

1 Samuel 10:22

tinepet dad Katawan, “Wala niy arum?” Inmebat so Katawan, “Wadmay Saul, onaamut ed kawalaay abasto.”

1 Samuel 28:15

Inkuanen Samuel ed kinen Saul, “Akin et sinigensigen mo ak? Akin et pinapawil mo ak?” Inmebat si Saul, “Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.”

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.