Jeremias 21:14 - Maung A Balita Biblia

¹⁴ Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.”

Maung a Balita Biblia

¹⁴ Balet, dusaen ta ka lapud ginawam. Poolan koy palasiom, tan say apoy temeken to met ya amin iray walad kaliber-liber to. Siak, say Katawan, so nansalita.

Jeremias 21:14 Iomraidhean Croise

2 Saray Awaran 36:19

Pinoolan toy Timplo tan say siudad, pati saray palasio to tan saray kayamanan to, insan inggeba to ray padir na siudad.

Probirbio 1:31

Lapud saya, anien yoy bungay ginawa yo, tan deryaen kayo lamlamang na dilin kagagawa yo.

Probirbio 12:14

Saray salita tan gawgawa na too so pakatumangan to; say manepeg ed sikato so nagamuran to.

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Isaias 24:21

Onsabiy panaon a say Katawan et dusaen to ray pakayari ed tagey tan saray manoley ed tapew na dalin.

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Jeremias 11:16

Tinawag ko ran aminsan na mabolubolung a kiew na oliba tan amayamay so balibalin bunga to; balet natan, poolan ko ray bolung to diad iterak na singa madalagorug a karul tan lupak-lupaken ko ray sanga to.

Jeremias 11:22

Kanyan inkuan na Katawan a Makapanyarin-amin, “Dusaen ko ra! Napatey ed bakal iray lalakin tobun-balo ra; ompatey ed eras iray anak da.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 22:1

Imbagad siak na Katawan ya onla ak ed palasio na ari na Juda, say kabyangay boleg nen David, tan ibagak diman ed ari, saray opisyal to, tan saray totood Jerusalem ya ondengel irad inkuan na Katawan:

Jeremias 22:7

Mangibaki ak na totoon manderal ed sayan palasio. Awiten dan amin iray wasay da, batangen da ray balibalin lusek a sidro, insan da ra ibontuk ed apoy.

Jeremias 32:19

Manggagawa ka ray planon napnoy kakabatan tan saray matalonggaring a bengatla; sankanengneng mo ray amin a kabibilay na saray totoo, tan tutumangan mo ra onung na gawgawa ra.

Jeremias 46:23

binabatang da ray kakiewan ed takel to. Ag nabilang iray totoo ra; dakel nen saray dorun iray sondalo ra.

Jeremias 50:32

Sikan mapaatagey a bansa, natumba tan napelag ka, et anggapoy ontulong ed sika. Poolan ko ray siudad mo, tan naderal ya amin iray walad kaliber-liber.”

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Jeremias 6:29

Manliub so palbaan, balet ag natotonaw odino naeekal so dotak na mital. Anggapoy kana so pangituloy na pampalba, ta ag met lamlamang naeekal iray totoon maoges.

Jeremias 9:25

Say Katawan kuanto, “Onsabiy panaon a dusaen ko ray totood Egipto, Juda, Edom, Ammon, Moab, tan amin a manaayam ed kalawakan a pinoputotan da ray buek da. Asegat ira yan amin a totoo, balet ag da tinoor so siopaman ya ipapamorya na segat. Amin da ra yan totoo tan amin a totood Israel et ag da sinumpal so impisipanan kod sikara.”

Saray Tagleey 2:3

Lapud sanuk to dineral toy biskeg na Israel; Ag tinmulong nen sinmabi ray kalaban. Singa apoy a nampool; tinemek toy amin a bengatla.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.

Mikias 7:13

Balet magmaliw a kabueran so mundo lapud saray maoges a gagawaen na saray totoon manaayam.

Zacarias 11:1

Lokasan mo ray kaput mo, Libano, pian napoolan na apoy iray kiew mon sidro!