Jeremias 21:10 - Maung A Balita Biblia

¹⁰ Ginetmak la ya ag ko iyagel yan siudad, no ag ta deralen ko. Nipalima ed ari na Babilonia tan poolan ton temeken. Siak, say Katawan, so nansalita.”

Maung a Balita Biblia

¹⁰ Ginetmak la ya ag ko iyagel yan siudad, no ag ta deralen ko. Nipalima ed ari na Babilonia tan poolan ton temeken. Siak, say Katawan, so nansalita.

Jeremias 21:10 Iomraidhean Croise

2 Saray Awaran 36:19

Pinoolan toy Timplo tan say siudad, pati saray palasio to tan saray kayamanan to, insan inggeba to ray padir na siudad.

Saray Salmo 34:16

balet sumpad saray managgaway kaogsan, kanyan no ompatey ira, sigput la ran nalingwanan.

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 33:5

Onlaban iray pigara ed saray taga Babilonia a mampanod sayan siudad na saray bangkay da ray kabilen ko lapud pasnuk tan sanuk ko. Inmarawi ak ed sayan siudad lapud saray maoges a bengatlan ginagawa na saray totoo to.

Jeremias 34:2

Say Katawan, say Dios na Israel, imbaga tod siak ya onla ak ed kinen Ari Sedekias na Juda ta ikuanko yan salita to, “Siak, say Katawan, ipadakep ko yan siudad ed ari na Babilonia, tan poolan to.

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 38:17

Insan ko imbagad kinen Sedekias a say Katawan a Makapanyarin-amin a Dios na Israel inkuanto, “No onsuko kad ari na saray opisyal na Babilonia, nipaliis kad patey tan ag napoolan yan siudad. Sika tan say pamilyam et nipaliis ed patey.

Jeremias 38:18

Balet no ag ka onsuko, nipalimad saray taga Babilonia yan siudad, poolan da, tan ag mo ra nibatikan.”

Jeremias 38:23

Insan inkuanko ni, “Amin da ray bibii tan saray anak mo et nipaway iran niakar ed saray taga Babilonia, tan ag mo ra nibatikan. Nadakep ka na ari na Babilonia, tan napoolan yan siudad.”

Jeremias 38:3

Imbabagak met a say Katawan inkuanto, “Iter ko yan siudad ed saray sondalon taga Babilonia, tan nadakep da.”

Jeremias 39:16

ya ibagak ed kinen Ebed-melec a taga Sudan a say Katawan a Makapanyarin-amin a Dios na Israel inkuanto, “Deral so iyakar kod sayan siudad, aliwan say aligwas, onung na nibagak lan gawaen ko. No nagaway onya, wadtan kan makaimatun.

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 44:11

“Kanyan siak, say Katawan a Makapanyarin-amin a Dios na Israel, sumpaen ta kayo tan deralen koy intiron Juda.

Jeremias 44:27

Ag ta kayon balut paaligwasen; ingen, naderal kayo. Amin yon taga Juda a manaayam ed Egipto et ompatey ed bakal o diad salot, anggad anggapoy anggan sakey a nakeraan ed sikayo.

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Ezekiel 15:7

insan ko ra dusaen. Apaliisan da lay sakey ya apoy, balet natan poolan ira na kumadwan apoy. No dusaen ko ra, naamtaan mo a siak so Katawan.

Ezekiel 24:11

Natan igaton yod ngalab so anggapoy kargan kaldiron gansa tan paolyan yon ombalbalanga. Diad satan nalinisan lamet imay kaldiro onung ed ganggan no napagpag la ray lati to lapud petang,

Levitico 17:10

No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Amos 2:5

Lapud saya mangyakar ak na apoy ed Juda tan poolan ko ray tirinsira na Jerusalem.”

Amos 9:4

No nadakep ira na saray kalaban da, iganggan kon pateyen da ra. Ginetmak lan deralen, aliwan tulongan ira.”

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”