Jeremias 20:7 - Maung A Balita Biblia

⁷ Katawan, pinalikdo mo ak, tan siak so apalikdo. Mabiskeg ka ni nen say siak, kanyan tinalo mo ak. Luludlureyen ak na balang sakey; eelek-elekan da ak lawas.

Maung a Balita Biblia

⁷ Katawan, pinalikdo mo ak, tan siak so apalikdo. Mabiskeg ka ni nen say siak, kanyan tinalo mo ak. Luludlureyen ak na balang sakey; eelek-elekan da ak lawas.

Jeremias 20:7 Iomraidhean Croise

2 Saray Arari 2:23

Tinmaynan ed Jerico si Eliseo, ta onlad Betel, tan diad dalan inabet na pigaran ogogaw a lalakin taga baley tan niluludlurey da. “Taynan ka dia, sikan yangyangan!” ineeyag da.

Say Libro nen Job 12:4

Elek-elekan ak natan na anggan saray kakaarok, elek-elekan da ak anggaman a matonung ak tan anggapoy pakabalawan ed siak; balet walay panaon ya inebatan na Dios so pikakasik.

Say Libro nen Job 30:9

Balet natan wadya ran elek-elekan da ak; ipapasen da ak a sakey a toon ludlureyen.

Saray Salmo 119:51

Mapalaloy pambabalaw ed siak na saray mapaatagey a totoo, balet ag ak sinmian ed ganggan mo.

Isaias 8:11

Diad baleg a pakayari na Katawan pinasakbayan to ak ya ag ko tombuken so dadalanen na saray totoo. Inkuanto,

Jeremias 15:10

Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Jeremias 15:18

Akin et ag mansamput so paniirap ko? Akin et ag onabig iray sugat ko? Getmam ta ya ekalan ak na biskeg na linawa a singa kolus a nanaekatan no tiagew?”

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Jeremias 20:9

Balet no kuanko, “Lingwanan koy Katawan, tan ag ak la mansalita ed ngaran to,” say salitam ed satan singa apoy ya ondadalang ed pusok; kinmetket la rad saray pokel ko. Gagawaen koy anggaay nayarian kon pokpokan, balet ag ko la nayarian.

Jeremias 29:26

‘Say Katawan ginawa to kan pari a sinmalat ed kinen Joiada tan sika natan so manonan opisyal na Timplo. Kanepegan mon pabalur na golunggolung tan pasolungay kuilyon balatyang so beklew na balang sakey a manluko-lukowan a mampropisiya.

Jeremias 38:19

Balet inmebat si Ari Sedekias, “Antakot ak ed saray Judion akigampid saray taga Babilonia. Ompan siak so nipalimad sikara et pairapen da ak.”

Saray Tagleey 3:14

Nagmaliw ak ya elek-elekan lawas na katoowan; siak so gagalaw-galawen dan amin.

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Oseas 9:7

Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! “Sayan propita,” kuanyo, “et makulang-kulang. Ambagel yan toon apuyanan na ispiritu.” Mapalaloy pambobosul yod siak lapud ambelat lan tuloy so kasalanan yo.

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Mikias 3:8

Balet para siak, say Katawan papanoen to ak na ispiritu to tan say pakayari to. Iitdan to ak na ispiritu na katunongan tan say biskeg na linawan mangibagad saray totood Israel na saray kasalanan da.

Lucas 16:14

Nadngelan na saray Pariseo ira yan amin, et nilemlemew day Jesus ta maagum irad kuarta.

Lucas 23:11

Si Herodes tan saray sondalo to niludlurey tan pinapabaingan day Jesus. Sinolungan day marakep a kawes, insan da impawil ed kinen Pilato.

Saray Gawgawa 17:18

Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 17:32

Nen nadngel day Pablo ya angibagay nipaakar ed kiolid bilay, niludlurey na pigarad sikara. Balet inkuay arum, “Labay mi ka lamet a dengelen nipaakar ed saya.”

1 CORINTO 9:6

Sikami ta labat nen Bernabe so nakaukolan ya ag ontondad anapay-bilay?

Saray Hebreo 11:36

Wala rad sikaray sinisiplatan tan niluludlurey, tan wala ra met ed sikaray binabalur tan impripriso.