Jeremias 20:3 - Maung A Balita Biblia

³ Diad kaimbuas, nen impaokbaran ak la nen Pasur, inkuankod sikato, “Aliwan Pasur so impangingaran na Katawan ed sika. Initdan to ka na ngaran a ‘Makapataktakot ed Anggan Iner a Pasen.’

Maung a Balita Biblia

³ Diad kaimbuas, nen impaokbaran ak la nen Pasur, inkuankod sikato, Aliwan Pasur so impangingaran na Katawan ed sika. Initdan to ka na ngaran a Makapataktakot ed Anggan Iner a Pasen.

Jeremias 20:3 Iomraidhean Croise

Genesis 17:15

Intuloy ni na Dios ya inkuan ed kinen Abraham, “Ag mo la tatawagen na Sarai so asawam; manlapu lad natan Sara so ngaran to.

Genesis 17:5

Aliwa lan Abram so ngaran mo, no ag ta Abraham la, ta gawaen ta kan ama na amayamay a bansa.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Saray Salmo 31:13

Narerengel koy esaesan da ray amayamay a kalaban ko; makapataktakot so walad kaliber-liber ko. Iplaplano ray ilaban dad siak, mankokomplut iran mamatey ed siak.

Isaias 8:3

Ag abayag nanlokun so asawak. Nen nianak so anak min laki inkuan ed siak na Katawan, “Ngaranan mo na Mahershalal-hash-baz.

Jeremias 19:2

ta itagar ko rad patar na Ben-hinnom diad kapaway na Puirta na Langa. Diman ko ipulong so salita na Katawan ya iter tod siak.

Jeremias 19:6

Kanyan sirin, onsabiy panaon a sayan pasen et ag la natawag na Tofet odino Patar na Hinom. Ingen natawag a Patar na Panagpateyan.

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Jeremias 29:29

Imbasa nen Sofonias yan sulat ed siak.

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Jeremias 6:25

Ag kami la oonlad kaalogan odino manaakar ed saray dalan, lapud akaarmas iray kalaban mi tan makapataktakot so walad kaliber-liber mi.”

Jeremias 7:32

Kanyan, onsabiy panaon ya ag la natawag na Tofet, odino Patar na Hinnom, no ag ingen natawag na Patar na Panagpateyan. Ipompon dad man iray bangkay na totoo lapud anggapo lay nakeraan a pasen a pangipomponan.

Saray Tagleey 2:22

Tinawag mo ray kalaban ko, ta manggawa ray makapataktakot a doypowan ed kaliber-liber ko. Anggapoy makapaliis no agew na pasnuk mo. Saray kalaban pinapatey da ray pinapabaleg ko tan inararok ya anak.

Ezekiel 13:9

Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.

Saray Gawgawa 16:30

Impaway to ra tan tinepet to, “Antoy nepeg kon gawaen, pian nilaban ak?”